January 25, 2021
January 25, 2021
ദോഹ : ബിജെപി സംസ്ഥാന അധ്യക്ഷൻ കെ.സുരേന്ദ്രന്റെ മകളുടെ ചിത്രത്തില്‍ അശ്ലീല കമന്റിട്ട പ്രവാസിക്കെതിരെ ഇന്ത്യന്‍ എംബസിയിൽ പരാതി.ബാലികാ ദിനത്തില്‍ കെ. സുരേന്ദ്രന്‍ മകള്‍ക്കൊപ്പം പങ്കുവെച്ച ചിത്രത്തിന്റെ താഴെയാണ് ഖത്തറിൽ നിന്നുള്ള അജ്‌നാസ് അജ്‌നാസ് എന്ന ഐഡിയില്‍ അശ്ളീല കമന്റ് പോസ്റ്റ് ചെയ്തത്.എന്നാൽ ഈ ഐഡി വെരിഫൈ ചെയ്തപ്പോൾ കിരൺ ദാസ് ചിഞ്ചു എന്നാണ് ഐഡന്റിഫൈ ചെയ്തതെന്ന് പോസ്റ്റിനു താഴെ കമന്റിട്ട ഒരാൾ വ്യക്തമാക്കി. മുസ്ലിം പേര് ദുരുപയോഗം ചെയ്ത് സമൂഹത്തിൽ ഭിന്നിപ്പുണ്ടാക്കാനുള്ള ചിലരുടെ ശ്രമമായാണ് സംഭവം വിലയിരുത്തപ്പെടുന്നത്.
സോഷ്യല്‍ മീഡിയയിൽ ഇത് സംബന്ധിച്ച് ചർച്ചകൾ സജീവമായിട്ടുണ്ട്.സുരേന്ദ്രനോട് രാഷ്ട്രീയ വിയോജിപ്പുള്ള പലരും മകൾക്ക് ആശംസകൾ നേർന്നും സുരേന്ദ്രനെ പരോക്ഷമായി വിമർശിച്ചും രംഗത്തെത്തി. ഖത്തര്‍ ഇന്ത്യന്‍ എംബസിക്ക് പരാതി നല്‍കിയതിനു പുറമെ സംഭവത്തില്‍ ഖത്തര്‍ മിനിസ്ട്രിയുടെ ഫേസ്ബുക്ക് പേജിലും അശ്ളീല കമന്റിനെതിരെ ചിലർ നടപടി ആവശ്യപ്പെട്ട് പ്രതിഷേധം അറിയിച്ചു.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
