August 29, 2019
August 29, 2019
ജിദ്ദ : ഫൈനൽ എക്സിറ്റിൽ നാട്ടിൽ പോകുന്ന വിദേശിക്ക് മൂന്നു വർഷത്തേയ്ക്ക് രാജ്യത്ത് പ്രവേശിക്കാനാവില്ലെന്ന പ്രചാരണം തെറ്റാണെന്ന് സൗദി പാസ്പോർട്ട് വിഭാഗം (ജവാസാത്ത്) വ്യക്തമാക്കി. സാധാരണ രീതിയിൽ ഫൈനൽ എക്സിറ്റിൽ രാജ്യം വിട്ട ആർക്കും അവർക്കെതിരെ മറ്റു പ്രശ്നങ്ങളില്ലെങ്കിൽ പുതിയ വീസയിൽ മടങ്ങി വരാൻ നിയമ തടസ്സങ്ങളൊന്നുമില്ലെന്ന് ജവാസാത്ത് പ്രസ്താവനയിൽ പറഞ്ഞു.
അതേസമയം, രാജ്യത്ത് തങ്ങുന്ന വിദേശി താമസ രേഖ അവധി കഴിഞ്ഞ് മൂന്ന് ദിവസത്തിനകം പുതുക്കിയില്ലെങ്കിൽ പിഴ ഈടാക്കും. ആദ്യഘട്ടത്തിൽ ഇത് 500 റിയാലും രണ്ടാം തവണ ആവർത്തിച്ചാൽ 1000 റിയാലുമാണ് പിഴ. മൂന്നാം തവണയും താമസ രേഖ പുതുക്കാൻ വൈകിക്കുന്ന പക്ഷം നാടുകടത്തൽ ശിക്ഷ നടപ്പാക്കുമെന്നും അധികൃതർ അറിയിച്ചു. കുടുംബ വീസയിലുള്ളവർ അവരുടെ കുടുംബം നാട്ടിലാണെങ്കിലും ഈ സംവിധാനത്തിൽ താമസ രേഖ പുതുക്കാൻ കുടുംബനാഥൻ സൗദിയിൽ ഉണ്ടായാൽ മതിയെന്ന് ജവാസാത്ത് വ്യക്തമാക്കി.