February 21, 2021
February 21, 2021
കുവൈത്ത് സിറ്റി: കുവൈത്തിലേക്കുള്ള വിദേശികളുടെ പ്രവേശന വിലക്ക് വീണ്ടും നീട്ടി. ആരോഗ്യ മന്ത്രാലയത്തിന്റെ നിര്ദേശത്തെ തുടര്ന്ന് മറ്റൊരറിയിപ്പുണ്ടാകുന്നത് വരെ പ്രവേശന വിലക്ക് നീട്ടാന് തീരുമാനിച്ചതായി വ്യോമയാന വകുപ്പ് ട്വിറ്ററില് അറിയിച്ചു.
കുവൈത്തികള്ക്ക് ഒരാഴ്ചത്തെ ഇന്സ്റ്റിറ്റ്യൂഷനല് ക്വാറന്റീനും തുടര്ന്ന് ഒരാഴ്ചത്തെ ഹോം ക്വാറന്റീനും അനുഷ്ടിക്കണമെന്ന വ്യവസ്ഥയോടെ പ്രവേശനം അനുവദിക്കും. രണ്ടാഴ്ചത്തെ പ്രവേശന വിലക്ക് തീര്ന്ന് ഫെബ്രുവരി 21 മുതല് കുവൈത്തിലേക്ക് വരാമെന്ന പ്രഖ്യാപനത്തില് സന്തോഷിച്ചിരുന്ന പ്രവാസികള്ക്ക് വന് തിരിച്ചടിയാണ് തീരുമാനം.
നേരത്തെ, ഫെബ്രുവരി ഏഴുമുതല് രണ്ടാഴ്ചത്തേക്കാണ് കോവിഡ് പ്രതിരോധ നടപടികളുടെ ഭാഗമായി വിലക്ക് ഏര്പ്പെടുത്തിയിരുന്നത്. സ്വന്തം ചെലവില് കുവൈത്തില് ഇന്സ്റ്റിറ്റ്യൂഷനല് ക്വാറന്റീന് അനുഷ്ടിക്കണമെന്ന വ്യവസ്ഥയോടെ പ്രവേശനം അനുവദിക്കുമെന്ന് പ്രഖ്യാപിച്ചത് ഏറെ ആഹ്ലാദത്തോടെയാണ് പ്രവാസികള് കണ്ടിരുന്നത്. രണ്ടാഴ്ചത്തേക്ക് കുവൈത്തിലേക്ക് പ്രവേശന വിലക്ക് ഏര്പ്പെടുത്തിയതോടെ നിരവധി പ്രവാസികള് പ്രയാസത്തിലായിരുന്നു.
തുര്ക്കിയിലും യു.എ.ഇയിലും ഇടത്താവളമായി എത്തിയവര് കുവൈത്തിലേക്ക് വരാന് കഴിയാതെ താമസത്തിനും ഭക്ഷണത്തിനും ബുദ്ധിമുട്ടി. സന്നദ്ധ സംഘടനകളുടെ സഹായത്താലാണ് പലരും അധിക ദിവസങ്ങള് കഴിച്ചുകൂട്ടിയത്. ചിലര് നാട്ടിലേക്ക് തന്നെ തിരിച്ചുപോയി. വിസ പുതുക്കലുമായും ജോലിയുമായും ബന്ധപ്പെട്ട് അടിയന്തരമായി കുവൈത്തിലേക്ക് എത്തേണ്ടതുള്ളവര് കടുത്ത പ്രതിസന്ധിയാണ് അഭിമുഖീകരിക്കുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ആപ് ഡൌൺലോഡ് ചെയ്യുക.
NewsRoom Connect
Download From Playstore Now:
https://play.google.com/store/apps/details?id=com.friggitello.newsroom_qatar_user
വാർത്തകൾ അറിയിക്കാനും പരസ്യങ്ങൾക്കും വാട്സ്ആപ് ചെയ്യുക : 00974 66200 167