September 21, 2019
September 21, 2019
കമ്പനിയുടെ പേരിൽ വ്യാജ ഇ-മെയിലുണ്ടാക്കി ഹാക്കര് ഉപഭോക്താവിനെ സമീപിക്കുകയും ഒരു വിദേശ ബാങ്ക് അക്കൗണ്ടിലേക്കു പണമയക്കാന് ആവശ്യപ്പെടുകയുമായിരുന്നു.
ദുബായ് : ഇ-മെയില് ഹാക്കിങ്ങിലൂടെ ദുബായിൽ മലയാളിയുടെ ഉടമസ്ഥതയിലുള്ള കമ്പനിക്ക് 37 ലക്ഷം രൂപ നഷ്ടപ്പെട്ടു.ദുബൈയിലെ അല്ഖൂസ് 2 ൽ പ്രവര്ത്തിക്കുന്ന ചിയേഴ്സ് എക്സിബിഷന് കമ്പനിക്കാണ് ഓണ്ലൈന് തട്ടിപ്പിലൂടെ 53,000 ഡോളര് നഷ്ടമായത്.
കമ്പനിയുടെ ഇ-മെയില് ഹാക്ക് ചെയ്ത് ഇടപാടുകാരനെ കണ്ടെത്തി കബളിപ്പിച്ചായിരുന്നു തട്ടിപ്പ്.
കമ്പനിയുടെ പേരിൽ വ്യാജ ഇ-മെയിലുണ്ടാക്കി ഹാക്കര് ഉപഭോക്താവിനെ സമീപിക്കുകയും ഒരു വിദേശ ബാങ്ക് അക്കൗണ്ടിലേക്കു പണമയക്കാന് ആവശ്യപ്പെടുകയുമായിരുന്നു. ദുബൈയില് വരാനിരിക്കുന്ന ജിറ്റെക്സ് പരിപാടിയോടനുബന്ധിച്ചുള്ള എക്സിബിഷനില് സ്റ്റാന്ഡ് നല്കാന് ഇടപാടുകാരുമായി ധാരണയായിരുന്നതായി കമ്പനി സി.ഇ.ഒയും മാനേജിങ് ഡയരക്ടറുമായ ബിനു മനാഫ് പറഞ്ഞു. ഇതിനു വേണ്ടി ഇടപാടുകാരൻ നല്കിയ പണമാണ് ഹാക്കര്മാര് തട്ടിയത്.ദുബൈയിലെ പ്രാദേശിക ബാങ്കിനു പകരം വിദേശ ബാങ്ക് അക്കൗണ്ടിലേക്കു പണമയക്കാന് ഇ-മെയില് വഴി ആവശ്യപ്പെട്ടതിനെ കുറിച്ച് ഒരു ഇടപാടുകാരന് അന്വേഷിച്ചപ്പോഴാണ് ഇ-മെയില് ഹാക്ക് ചെയ്യപ്പെട്ട വിവരം അറിഞ്ഞതെന്ന് മനാഫ് പറഞ്ഞു. തുടര്ന്ന് നടത്തിയ അന്വേഷണത്തിലാണ് ഇ-മെയില് വഴി നടത്തിയ ഇടപാടുകളെ കുറിച്ചുള്ള വിവരങ്ങള് മുഴുവന് സ്വന്തമാക്കിയ ഹാക്കര് വ്യാജ ഇ-മെയിലുണ്ടാക്കി പണം തട്ടുന്ന കാര്യം ശ്രദ്ധിച്ചതെന്നും അദ്ദേഹം കൂട്ടിച്ചേര്ത്തു. ചീയേഴ്സിന്റെ വേറെയും ഉപഭോക്താക്കളെ ഹാക്കര് വ്യാജ ഇ-മെയില് വഴി ബന്ധപ്പെട്ട് ഫിന്ലാന്ഡ് ആസ്ഥാനമായുള്ള നോര്ദിയ ബാങ്കിലുള്ള അക്കൗണ്ടിലേക്ക് പണം അയക്കാന് ആവശ്യപ്പെട്ടതായി കണ്ടെത്തിയിട്ടുണ്ട്.