September 08, 2020
September 08, 2020
ദോഹ : നാട്ടിൽ നിന്നും ഖത്തറിലേക്ക് തിരിച്ചു വരുന്നവർക്കുള്ള ഹോട്ടൽ കൊറന്റൈൻ സെപ്തംബർ 15 മുതൽ താൽക്കാലികകമായി നിർത്തിവെച്ചു. സെപ്തംബർ പതിനഞ്ചിനു ശേഷമുള്ള ഹോട്ടൽ ബുക്കിങ് സ്വീകരിക്കുന്നതല്ലെന്ന് ഖത്തർ പോർട്ടൽ സമൂഹ മാധ്യമങ്ങളിൽ നൽകിയ അറിയിപ്പിൽ വ്യക്തമാക്കി. ഖത്തർ സർക്കാരിന്റെയും ആരോഗ്യമന്ത്രാലയത്തിന്റെയും അറിയിപ്പ് ലഭിച്ച ശേഷമായിരിക്കും തുടർന്ന് ബുക്കിങ് സ്വീകരിക്കുന്ന കാര്യത്തിൽ തീരുമാനമുണ്ടാവുക.
നിലവിൽ നാട്ടിൽ കുടുങ്ങിയ ഇന്ത്യക്കാർ ഖത്തറിൽ തിരിച്ചെത്തിയാൽ ഒരാഴ്ച നിർബന്ധമായും ഹോട്ടൽ കൊറന്റൈനിൽ പോകണമെന്ന് വ്യവസ്ഥയുണ്ട്.ഖത്തർ പോർട്ടലിൽ രജിസ്റ്റർ ചെയ്ത് അനുമതി ലഭിച്ച ശേഷമാണ് ഡിസ്കവർ ഖത്തർ വെബ്സൈറ്റ് വഴി ഹോട്ടൽ ബുക്ക് ചെയ്യേണ്ടത്.ബുക്കിങ് നിർത്തി വെക്കുന്നതോടെ നിലവിൽ നാട്ടിൽ കുടുങ്ങിയ മലയാളികൾ ഉൾപ്പെടെയുള്ള ഇന്ത്യക്കാരുടെ ഖത്തറിലേക്കുള്ള മടക്കം വീണ്ടും പ്രതിസന്ധിയിലാകും.
ന്യൂസ്റൂം വാർത്തകളും തൊഴിലവസരങ്ങളും അറിയാൻ ഈ വാട്സ്ആപ് ലിങ്കിൽ ചേരുക