July 17, 2021
July 17, 2021
കാബൂള്: ഇന്ത്യന് ഫോട്ടോജേണലിസ്റ്റ് ഡാനിഷ് സിദ്ദീഖി കൊല്ലപ്പെട്ടതില് താലിബാന് മാപ്പു പറഞ്ഞു. അഫ്ഗാനിസ്താനില് സര്ക്കാര് സേനയും താലിബാനും തമ്മിലുള്ള പോരാട്ടത്തിനിടെയാണ് റോയിട്ടേഴ്സിന്റെ പുലിറ്റ്സര് ജേതാവായ സിദ്ദീഖി കൊല്ലപ്പെട്ടത്. ആക്രമണം നടക്കുന്ന സ്ഥലത്ത് എത്തുന്ന മാധ്യമ പ്രവര്ത്തകര് നേരത്തെ അറിയിക്കേണ്ടിയിരുന്നുവെന്നും അദ്ദേഹത്തിന്റെ കാര്യത്തില് അത് സംഭവിച്ചില്ലെന്നും താലിബാന് വക്താവ് സബീഉല്ല മുജാഹിദ് പറഞ്ഞു. അഫ്ഗാനില് യു എസ് സൈനിക പിന്മാറ്റത്തിനു പിന്നാലെ താലിബാന് നീക്കങ്ങള് റിപോര്ട്ട് ചെയ്യാനെത്തിയതായിരുന്നു ഡാനിഷ് സിദ്ദീഖി. അഫ്ഗാന് സേനക്കൊപ്പം പാക് അതിര്ത്തിയോടു ചേര്ന്ന സ്പിന് ബോള്ഡക് ജില്ലയില് എത്തിയപ്പോഴാണ് സുരക്ഷ സേനയും താലിബാനുമായി നടന്ന ആക്രമണത്തില് കഴിഞ്ഞ ദിവസം ഡാനിഷ് കൊല്ലപ്പെട്ടത്.