March 14, 2020
March 14, 2020
റിയാദ്: കൊറോണ വൈറസ് ലോകത്താകമാനം വ്യാപിക്കുന്ന സാഹചര്യത്തില് സൗദി അറേബ്യ നാളെ മുതൽ എല്ലാ അന്താരാഷ്ട്ര സര്വീസുകളും റദ്ദാക്കുന്നു. ഞായറാഴ്ച മുതല് രണ്ടാഴ്ചത്തേക്കാണ് വിമാന സര്വ്വീസുകള് റദ്ദാക്കിയിരിക്കുന്നത്.
ആദ്യം ഇന്ത്യയടക്കുമുള്ള 14 ഓളം രാജ്യങ്ങളിലേക്കുള്ള സര്വീസുകള് നിര്ത്തിവെക്കാനായിരുന്നു തീരുമാനം.എന്നാൽ കോവിഡ് 19 പടരുന്ന സാഹചര്യത്തിൽ എല്ലാ അന്തരാഷ്ട്ര സര്വീസുകളും നിര്ത്തിവെക്കാന് സൗദി ആഭ്യന്തര മന്ത്രാലയം തീരുമാനിക്കുകയായിരുന്നു.
ഞായറാഴ്ച രാവിലെ 11 മണി മുതല് അന്തരാഷ്ട്ര സര്വീസുകള് നിര്ത്തിവെച്ചുള്ള നിയന്ത്രണം പ്രാബല്യത്തില് വരുമെന്ന് മന്ത്രാലയം അറിയിച്ചു.
നിയന്ത്രണം ഏര്പ്പെടുത്തിയ രണ്ടാഴ്ചക്കിടയില് അസാധാരണമായ സാഹചര്യങ്ങളില് മാത്രമേ അന്താരാഷ്ട്ര സര്വീസുകള് അനുവദിക്കൂകയുള്ളൂ. ഈ കാലയളവില് തിരികെ എത്താന് സാധിക്കാത്തവര്ക്ക് ഔദ്യോഗിക അവധിയായി നല്കുമെന്നും മന്ത്രാലയം വ്യക്തമാക്കിയിട്ടുണ്ട്.
സൗദിയില് വെള്ളിയാഴ്ച 24 പുതിയ കൊറോണ കേസുകള് കൂടി റിപ്പോര്ട്ട് ചെയതതോടെ രാജ്യത്ത് രോഗബാധിതരുടെ എണ്ണം 86 ആയി ഉയര്ന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.