April 15, 2020
April 15, 2020
ദുബായ് : കോവിഡിനെതിരെ ശക്തമായ പ്രതിരോധ നടപടികളുമായി മുന്നോട്ടു പോകുന്ന പല രാജ്യങ്ങളും രോഗബാധിതരെ കണ്ടെത്താൻ മൊബൈൽ ആപ്പുകൾ പുറത്തിറക്കാനുള്ള തിരക്കിലാണ്.ആൻഡ്രോയിഡ്,ഐ.ഒ.എസ് പ്ളേസ്റ്റോറുകളിൽ വിവിധ രാജ്യങ്ങൾക്കായി തയാറാക്കിയ കോവിഡ് ആപ്പുകൾ ഇപ്പോൾ ലഭ്യമാണ്.കോവിഡ് മഹാമാരിയുടെ പ്രഭവകേന്ദ്രമായ ചൈനയാണ്ഇതിന് തുടക്കമിട്ടത്.തുടർന്ന് സിംഗപ്പൂരും ഇന്ത്യയും ഖത്തറുമെല്ലാം വിവിധ പേരുകളിലുള്ള കോവിഡ് ആപ്പുകൾ പരീക്ഷിക്കുകയാണ്. കോവിഡിനെ പ്രതിരോധിക്കാൻ സേതു ആപ്പ് എല്ലാവരും ഡൗൺലോഡ് ചെയ്യണമെന്ന് കഴിഞ്ഞ ദിവസം പ്രധാനമന്ത്രി നരേന്ദ്രമോദി ആവശ്യപ്പെട്ടിരുന്നു.
ഖത്തർ ഇതിനായി തയാറാക്കിയ ഇഹ്തിറാസ് കോവിഡ് പ്രതിരോധ മൊബൈൽ അപ് അടുത്ത ദിവസങ്ങളിൽ തന്നെ പ്രവർത്തനസജ്ജമാകും. ഇപ്പോൾ യു.എ.ഇയും കോവിഡ് വ്യാപനം തടയാൻ ലക്ഷ്യമാക്കി പ്രത്യേക മൊബൈൽ ആപ് ഒരുക്കിയിരിക്കുകയാണ്. 'ട്രെയ്സ് കോവിഡ്' എന്നാണ് ഇതിന് പേരിട്ടിരിക്കുന്നത്. നേരത്തെ സമ്പർക്കം പുലർത്തിയ ഒരാൾക്ക് പിന്നീട് കോവിഡ് സ്ഥിരീകരിച്ചാൽ അയാളുടെ മൊബൈൽ ഫോണിൽ വിവരം ലഭിക്കുന്ന സംവിധാനമാണ് 'ട്രെയ്സ് ആപ്പി'ലുമുള്ളത്.ഇതനുസരിച്ച് അയാൾക്ക് സ്വയം ക്വറന്റൈനിലേക്ക് മാറുകയോ വിദഗ്ധ ചികിത്സ തേടുകയോ ചെയ്യാം.ആൻഡ്രോയിഡ്,ഐ.ഒ.എസ് മൊബൈൽ ഫോണുകളിൽ ആപ്പ് ലഭ്യമാണ്.
ആപ്പ് ഡൗൺലോഡ് ചെയ്യുന്നതിന് താഴെ കാണുന്ന ലിങ്ക് ഉപയോഗിക്കാം :
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.