July 14, 2020
July 14, 2020
റിയാദ് : കോവിഡ് ബാധിച്ച് സൗദി അറേബ്യയില് ചികിത്സയിലായിരുന്ന രണ്ട് മലയാളികള് കൂടി മരിച്ചു. ആലപ്പുഴ കായംകുളം എരുവ ചെറുകാവില് സ്വദേശി ഷഹാന മന്സിലില് ജഹാംഗീര് (59) ദമ്മാമിലും കൊല്ലം ഈസ്റ്റ് കല്ലട കൊടുവിള ശിങ്കാരപ്പള്ളി സ്വദേശി കാഞ്ഞിരംതുണ്ടില് പി.ജി. ജോണ്സണ് (55) ജുബൈലിലുമാണ് മരിച്ചത്. കടുത്ത പനിയും ചുമയും ശ്വാസതടസവും ബാധിച്ച് അത് ന്യുമോണിയായി മാറിയതിനെ തുടര്ന്ന് രണ്ടാഴ്ച മുമ്പ് ദമ്മാം സെന്ട്രല് ആശുപത്രി തീവ്രപരിചരണ വിഭാഗത്തിലെ വെന്റിലേറ്ററില് പ്രവേശിപ്പിച്ചിരുന്നു.തുടർന്ന് നടത്തിയ പരിശോധനയിൽ കൊവിഡ് സ്ഥിരീകരിച്ചിരുന്നു.തിങ്കളാഴ്ച രാത്രി ആരോഗ്യ നില വഷളായതിനെ തുടർന്ന് ചൊവ്വാഴ്ച രാവിലെ മരണപ്പെടുകയായിരുന്നു.
ജുബൈലിൽ ജോലി ചെയ്യുന്ന പി.ജി. ജോൺസൺ നാട്ടിൽ പോകാനുള്ള തയാറെടുപ്പിനിടെയാണ് പനി ബാധിച്ച് കിടപ്പിലായത്. പരിശോധനയിൽ കോവിഡ് സ്ഥിരീകരിക്കുകയും ജുബൈൽ ജനറൽ ആശുപത്രിയിൽ പ്രവേശിപ്പിക്കുകയും ചെയ്തു. ഏതാനും ദിവസങ്ങളായി ഗുരുതരാവസ്ഥയിൽ തുടരുകയായിരുന്നു. തിങ്കളാഴ്ച്ച രാത്രി മരിച്ചു. സൗദിയിലെ പ്രമുഖ കമ്പനിയിൽ 10 വർഷത്തിലേറെയായി ജോലി ചെയ്തുവരുകയായിരുന്നു. ഭാര്യ: ദീപ്തി, മകൻ: അക്ഷയ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക