April 07, 2020
April 07, 2020
മസ്കത്ത് : തുടക്കത്തിൽ കോവിഡ് രോഗബാധിതർ ഏറ്റവും കുറവായിരുന്ന ഒമാനിലും രോഗം സ്ഥിരീകരിക്കപ്പെടുന്നവരുടെ എണ്ണം ഗണ്യമായി ഉയരുന്നു. ഇന്ന് (ചൊവ്വ) മാത്രം രോഗം സ്ഥിരീകരിച്ചത് 40 പേർക്കാണ്. ഇതോടെ രാജ്യത്ത് മൊത്തം രോഗം സ്ഥിരീകരിച്ചവരുടെ എണ്ണം 371ആയി ഉയർന്നു.രാജ്യതലസ്ഥാനമായ മസ്കത്തിലാണ് ഏറ്റവും കൂടുതൽ രോഗബാധിതർ ഉള്ളത്.
262 പേരാണ് നിലവിൽ തലസ്ഥാന ഗവർണറേറ്റിൽ ചികിത്സയിലുള്ളത്. മറ്റ് ഗവർണറേറ്റുകളിലെ നാലു പേർക്ക് കൂടി ചൊവ്വാഴ്ച വൈറസ് ബാധ സ്ഥിരീകരിച്ചിട്ടുണ്ട്. രോഗം സുഖപ്പെട്ടവരുടെ എണ്ണമാകട്ടെ 61ൽ നിന്ന് 67 ആയി ഉയരുകയും ചെയ്തു. തിങ്കളാഴ്ച 33 പേർക്ക് രോഗം സ്ഥിരീകരിച്ചിരുന്നു. ഏപ്രിൽ പകുതിയോടെ രോഗബാധിതരുടെ എണ്ണം പാരമ്യതയിൽ എത്തുമെന്ന് നേരത്തെ ആരോഗ്യമന്ത്രാലയം അറിയിച്ചിരുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
