May 12, 2020
May 12, 2020
കുവൈത്ത് സിറ്റി : തിരൂർ മംഗലം സ്വദേശി വഞ്ഞേരി പറമ്പില് (ചെറിയ തലാപ്പില്) ബാവയുടെ മകന് മുജീബ് (40) കുവൈത്തിൽ നിര്യാതനായി.ക്വറന്റൈനിൽ കഴിയുന്നതിനിടെ അസുഖത്തെ തുടർന്ന് നാല് ദിവസം മുമ്പാണ് ആശുപത്രിയിൽ പ്രവേശിപ്പിച്ചത്. തുടർന്ന് നടത്തിയ പരിശോധനയിൽ കോവിഡ് പോസറ്റിവാണെന്ന് കണ്ടെത്തിയിരുന്നു.ഹൃദയാഘാതത്തെ തുടർന്നായിരുന്നു അന്ത്യം.ഒരു വർഷം മുമ്പാണ് നാട്ടിൽ പോയി തിരിച്ചെത്തിയത്.
കുവൈത്ത് സർക്കാരിന് കീഴിലെ റവന്യു ഓഫീസിൽ അഡ്മിൻ വിഭാഗം ജീവനക്കാരനായിരുന്നു. തിങ്കളാഴ്ച രാത്രി 9.30 നാണ് മരണപ്പെട്ടത്. ചൊവ്വാഴ്ച പുലർച്ചെ മൂന്നു മണിക്കാണ് മരണ വിവരം നാട്ടിലെ ബന്ധുക്കളെ അറിയിച്ചത്.
ഭാര്യ : ഫസീല.പത്തു വയസ്സുള്ള മകനും എട്ടു വയസ്സുള്ള മകളുമുണ്ട്. കോവിഡ് സ്ഥിരീകരിച്ചതിനാൽ മൃതദേഹം പ്രോട്ടോക്കോൾ പ്രകാരം കുവൈത്തിൽ ഖബറടക്കും.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.