June 16, 2020
June 16, 2020
ദോഹ : തൃശൂർ കേച്ചേരി സ്വദേശി വലിയകത്ത് കുഞ്ഞുമുഹമ്മദ് അബ്ദുൽ ജബ്ബാർ (68) ദോഹയിൽ നിര്യാതനായി.അറിയപ്പെടുന്ന ചിത്രകാരൻ കൂടിയായിരുന്ന ഇദ്ദേഹം ആർട്ടിസ്റ്റ് ജബ്ബാർ എന്നാണ് അറിയപ്പെട്ടിരുന്നത്.കോവിഡ് രോഗലക്ഷണങ്ങളെ തുടർന്ന് രണ്ടാഴ്ച മുമ്പാണ് ഹമദ് ആശുപത്രിയിൽ പ്രവേശിപ്പിച്ചത്. ന്യൂമോണിയ മൂർച്ഛിച്ചതിനെ തുടർന്ന് ചൊവ്വാഴ്ച രാവിലെ മരണപ്പെടുകയായിരുന്നു.കഴിഞ്ഞ മുപ്പത്തിയഞ്ച് വർഷത്തിലേറെയായി മുനിസിപ്പാലിറ്റിയിൽ ജീവനക്കാരനായിരുന്നു. ജോലിയിൽ നിന്ന് വിരമിച്ച ശേഷം കുടുംബത്തോടൊപ്പം വിശ്രമ ജീവിതത്തിലായിരുന്നു.
ഭാര്യ സാജിദ നേരത്തെ ഹമദിൽ ജീവനക്കാരിയായിരുന്നു.മക്കൾ : റീജ(എച്.എം.സി,ഖത്തർ),ഷീജ(ദുബായ്),അജ്നാസ്,അജ്മൽ(എച്.എം.സി).ഇളയ മകൾ ഹനാൻ എം.ഇ.എസ് സ്‌കൂൾ വിദ്യാർത്ഥിനിയാണ്.മൃതദേഹം കോവിഡ് പ്രോട്ടോക്കോൾ പ്രകാരം ഖത്തറിൽ ഖബറടക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
