February 03, 2021
February 03, 2021
ദോഹ : ഖത്തറിൽ കോവിഡ് വ്യാപനം വീണ്ടും രൂക്ഷമായ സാഹചര്യത്തിൽ അടിയന്തിരമായി സ്വീകരിക്കേണ്ട സുരക്ഷാ മാർഗ്ഗനിര്ദേശങ്ങളെ കുറിച്ച് വിശദീകരിക്കുന്നതിന് മൂന്നു മന്ത്രാലയങ്ങൾ ചേർന്ന് സംയുക്ത വാർത്താസമ്മേളനം വിളിച്ചു ചേർക്കുന്നു.ഇന്ന് (ബുധൻ) രാത്രി 9 മണിക്കാണ് വാർത്താ സമ്മേളനം.
ആരോഗ്യ, ആഭ്യന്തര, വാണിജ്യ-വ്യവസായ മന്ത്രാലയങ്ങളാണ് പത്ര സമ്മേളനം വിളിച്ചത്.കോവിഡ് വ്യാപനം തുടർന്നാൽ പുതിയ നിയന്ത്രണങ്ങൾ പ്രഖ്യാപിക്കേണ്ടി വരുമെന്ന് കഴിഞ്ഞ പത്രസമ്മേളനത്തിൽ ആരോഗ്യ മന്ത്രാലയം അധികൃതർ വ്യക്തമാക്കിയിരുന്നു.വ്യവസായ മേഖലയിൽ ഉൾപെടെ വീണ്ടും ലോക്ഡൗൺ ഏർപെടുത്തുമോ എന്ന ആശങ്കകൾ വ്യാപകമാകുന്നതിനിടെയാണ് പുതിയ നിയന്ത്രണങ്ങളെ കുറിച്ച് വിശദീകരിക്കാൻ അധികൃതർ വിശദമായ വാർത്താ സമ്മേളനം വിളിച്ചു ചേർക്കുന്നത്.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.