August 03, 2020
August 03, 2020
ദോഹ : ഇന്ത്യയിൽ നിന്നും ഖത്തറിലേക്ക് തിരിച്ചു വരുന്നവർ കോവിഡ് പരിശോധന നടത്തി നെഗറ്റിവ് സർട്ടിഫിക്കറ്റ് ഹാജരാക്കണമെന്ന ആരോഗ്യമന്ത്രാലയത്തിന്റെ നിബന്ധനയിൽ ആശയക്കുഴപ്പം തുടരുന്നു.ഖത്തർ പൊതുജനാരോഗ്യ മന്ത്രാലയം അംഗീകരിച്ച ലാബുകളിൽ പരിശോധന നടത്തിയ കോവിഡ് രഹിത സർട്ടിഫിക്കറ്റ് ഹാജരാക്കണമെന്നാണ് രാജ്യത്തേക്ക് തിരിച്ചുവരുന്നതിനുള്ള മാർഗനിർദേശങ്ങളിൽ പറയുന്നത്.എന്നാൽ ഇന്ത്യയിൽ ഏതൊക്കെ ലാബുകളാണ് മന്ത്രാലയത്തിന്റെ അംഗീകാരമുള്ളതെന്ന കാര്യത്തിൽ ഇതുവരെ വ്യക്തത വന്നിട്ടില്ല.ഇതുസംബന്ധിച്ച പട്ടിക ഖത്തർ ആരോഗ്യമന്ത്രാലയം ഇതുവരെ പുറത്തുവിട്ടിട്ടുമില്ല.ഇതാണ് മലയാളികൾ ഉൾപ്പെടെയുള്ളവരിൽ ആശയക്കുഴപ്പത്തിന് ഇടയാക്കിയത്.അതേസമയം,ഇന്ത്യയിൽ ഐ.സി.എം.ആർ അംഗീകരിച്ച ഏതെങ്കിലും ലാബിൽ പരിശോധന നടത്തിയാൽ മതിയാകുമെന്ന സൂചനയാണ് ഇപ്പോൾ പുറത്തു വരുന്നത്. എന്നാൽ ഇക്കാര്യത്തിൽ അന്തിമ നിലപാട് അറിയിക്കേണ്ടത് ഖത്തർ ആരോഗ്യമന്ത്രാലയമാണ്.
അതേസമയം, ഇന്ത്യൻ എംബസി എത്രയും വേഗം ഖത്തറിലെ പൊതുജനാരോഗ്യ മാത്രാലയവുമായി ബന്ധപ്പെട്ട് ഇക്കാര്യത്തിൽ വ്യക്തത വരുത്തിയില്ലെങ്കിൽ മലയാളികളുടെ ഖത്തറിലേക്കുള്ള തിരിച്ചുവരവ് ഇനിയും അനിശ്ചിതമായി നീളും.
ഐസിഎംആർ അംഗീകാരമുള്ള കേരളത്തിലെ ലാബുകൾ ഏതൊക്കെയാണെന്ന് അറിയാൻ ഈ ലിങ്കിൽ ക്ലിക്ക് ചെയ്യുക.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സ്ആപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
