May 26, 2020
May 26, 2020
റിയാദ് : സൗദിയിലെ റിയാദില് കോവിഡ് 19 ബാധിച്ച് ആശുപത്രിയില് ചികിത്സയിലായിരുന്ന ഓച്ചിറ പ്രയാര് നോര്ത്ത് സ്വദേശി കൊലശ്ശേരി പടിഞ്ഞാറത്തറയില് അബ്ദുസ്സലാം (44) നിര്യാതനായി. റിയാദ് സുവൈദിയിലെ സുലൈമാന് ഹബീബ് ആശുപത്രിയിലായിരുന്നു അന്ത്യം.
റിയാദില് പ്ലംബിങ് ജോലി ചെയ്തിരുന്ന ഇദ്ദേഹം അസുഖ ബാധിതനായി റിയാദിലെ ഏതോ ആശുപത്രിയിലുണ്ടെന്ന് നാട്ടില് നിന്ന് വീട്ടുകാര് അറിയിച്ചതിനെ തുടര്ന്ന് സാമൂഹിക പ്രവര്ത്തകരായ ശിഹാബ് കൊട്ടുകാടും ഡൊമിനിക് സാവിയോയും നടത്തിയ അന്വേഷണത്തിലാണ് ഈ മാസം 17 ന് സുലൈമാന് ഹബീബ് ആശുപത്രിയില് കണ്ടെത്തിയത്.
കോവിഡ് പോിസിറ്റീവായി ഇദ്ദേഹത്തിന്റെ ഇരുവൃക്കകളുടെ പ്രവര്ത്തനത്തേയും രോഗം ബാധിച്ചിരുന്നു. കഴിഞ്ഞ അഞ്ചുവര്ഷമായി നാട്ടില് പോയിരുന്നില്ല. ജലാലുദ്ദീന്, റുഖിയ ദമ്പതികളുടെ മകനാണ്. ഭാര്യ: ഷംന, മക്കള്: സഹല്. മുഹമ്മദ് സിനാന്. സഹോദരങ്ങള്: ഷാജി, റഷീദ് (ജീസാന്), സലീം (ത്വാഇഫ്), ശിഹാബ് (അബഹ).
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക