June 07, 2020
June 07, 2020
ദോഹ : ഖത്തറിൽ കോവിഡ് ബാധിച്ച് ചികിത്സയിലായിരുന്ന ഒരു മലയാളി കൂടി മരിച്ചു. കോഴിക്കോട് ജില്ലയിലെ കുറ്റ്യാടി കടിയങ്ങാട് പാലത്തിന് സമീപം മാളിയക്കണ്ടി മൊയ്തു ഹാജി (68)യാണ് മരിച്ചത്. ദീർഘകാലം സൗദിയിൽ ജോലി ചെയ്തശേഷം പ്രവാസജീവിതം മതിയാക്കി നാട്ടിൽ സ്ഥിരതാമസമാക്കിയിരുന്നു.
ദീനി പ്രവർത്തനങ്ങളിൽ സജീവമായിരുന്ന ഇദ്ദേഹം നാട്ടിലെ മദ്രസയുടെ പ്രവർത്തനങ്ങളുമായി ബന്ധപ്പെട്ട് കഴിഞ്ഞ ഫെബ്രുവരി 16 നാണ് ഓൺ അറൈവൽ വിസയിൽ ദോഹയിൽ എത്തിയത്.
കോവിഡ് ബാധിതനായ ഇദ്ദേഹം ന്യൂമോണിയ മൂർച്ഛിച്ചതിനെ തുടർന്ന് ഇന്ന് വെളുപ്പിന് ഒരു മണിയോടെ ഹമദ് ആശുപത്രിയിൽ മരണപ്പെടുകയായിരുന്നു.അലീമയാണ് ഭാര്യ.
മക്കൾ : റംല, റഹ്മത്ത്, റസീന. ജാമാതാക്കൾ : മുഹമ്മദ് കൂട്ടാലിട(ഖത്തർ),മുഹമ്മദ് കല്ലൂർ(ബഹ്റൈൻ),ഹമീദ്(ഒമാൻ). മൃതദേഹം കോവിഡ് പ്രോട്ടോക്കോൾ പ്രകാരം ഖത്തറിൽ ഖബറടക്കും.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക