August 12, 2020
August 12, 2020
തബൂക്ക്: കോവിഡ് ബാധിച്ച് ചികിത്സയിലായിരുന്ന കോഴിക്കോട് സ്വദേശി സൗദിയിലെ തബൂക്കിൽ നിര്യാതനായി.കല്ലായി സ്വദേശി മിനിക്കണ്ടകം വീട്ടില്‍ അഹമ്മദ് അലി പാലക്കല്‍ (62) ആണ് മരിച്ചത്. കോവിഡ് ബാധിച്ച് ഒരാഴ്ചയായി തബൂക്ക് കിങ് ഫഹദ് സ്പെഷ്യലിസ്റ്റ് ആശുപത്രിയില്‍ ചികിത്സയിലായിരുന്നു.
തബൂക്ക് അഹൂയയില്‍ മിനി ഷോപ്പ് ജീവനക്കാരനായിരുന്നു. 30 വര്‍ഷത്തോളമായി സൗദിയില്‍ പ്രവാസിയാണ്. പിതാവ്: ഹസ്സന്‍ കോയ എളമ്പിലാട്ട്, മാതാവ്: ഐഷാബി, ഭാര്യ: സുഹറ, മകന്‍: നിഹാല്‍.
നടപടിക്രമങ്ങള്‍ക്ക് ശേഷം മൃതദേഹം തബൂക്കില്‍ ഖബറടക്കും.
ന്യൂസ്‌റൂം വാർത്തകൾ വാട്സ്ആപ്പിൽ മുടങ്ങാതെ ലഭിക്കാൻ ഈ ലിങ്കിൽ ചേരുക
