July 19, 2020
July 19, 2020
ഖമീസ് മുശൈത്ത്: കോവിഡ് ബാധിച്ച് ചികിത്സയിലിരിക്കെ കൊല്ലം സ്വദേശി സൗദിയിലെ ഖമീസ് മുശൈത്തിൽ നിര്യാതനായി. കരുനാഗപ്പള്ളി ആദിനാട് സ്വദേശി വലിയത്ത് സൈനുദ്ധീന് (65) ആണ് മരിച്ചത്. അസുഖ ബാധിതനായി അഞ്ച് ദിവസങ്ങള്ക്ക് മുമ്പാണ് ഇദ്ദേഹത്തെ അല്ഹയാത്ത് ആശുപത്രിയില് പ്രവേശിപ്പിച്ചത്. പ്രമേഹത്തോടൊപ്പം ന്യൂമോണിയ ശക്തമായതിനെ തുടർന്ന് ഞായറാഴ്ച രാവിലെ ആറ് മണിയോടെ മരണപ്പെടുകയായിരുന്നു.
കഴിഞ്ഞ 33 വര്ഷമായി ഖമീസ് മുശൈത്തിലെ എം.അഹ്ലി ആശുപത്രിക്കു സമീപം മിനി മാര്ക്കറ്റ് ഷോപ്പ് നടത്തിവരികയായിരുന്നു
കുടുംബം ഖമീസിലുണ്ട്. ഭാര്യ: സീനത്ത്. മക്കൾ: സബീന, സൽമ, സാമിയ (ജിദ്ദ). മരുമക്കൾ: സുനിൽ അഹ്മദ്, അബ്ദുൾഹക്കീം (നജ്റാൻ) ജാസിം (ജിദ്ദ). അൽഹയാത്ത് ആശുപത്രി മോർച്ചറിയിലുള്ള മൃതദേഹം നടപടിക്രമങ്ങൾക്കു ശേഷം ഖമീസ് മുശൈത്തിൽ കബറടക്കുമെന്നു ബന്ധുക്കൾ അറിയിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക