June 08, 2020
June 08, 2020
ദോഹ : തിങ്കളാഴ്ച ഖത്തറിൽ കോവിഡ് ബാധിച്ചു മരിച്ചവരിൽ ഒരു മലയാളിയും. കണ്ണൂർ കണ്ണാടിപ്പറമ്പ് ചേലേരിമുക്ക് സ്വദേശി കാരയാപ്പ് ചാങ്ലിന്റവിട പി.കെ.സിദ്ദീഖ് (45) ആണ് ദോഹയിൽ മരിച്ചത് .. പനി ബാധിച്ചതിനെ തുടർന്ന് രണ്ടാഴ്ച മുമ്പ് ഹമദ് ആശുപത്രിയിൽ പ്രവേശിപ്പിച്ച ഇദ്ദേഹത്തിന് കോവിഡ് സ്ഥിരീകരിച്ചിരുന്നു. ന്യൂമോണിയ മൂർച്ഛിച്ചതിനെ തുടർന്നായിരുന്നു അന്ത്യം.ഖത്തറിൽ ലിമോസിൻ ഡ്രൈവറായി ജോലി ചെയ്യുകയായിരുന്നു.പരേതനായ മുഹമ്മദിന്റെയും സൈനബയുടെയും മകനാണ്.
സമീറയാണ് ഭാര്യ.മക്കൾ : സിദ്റ,സിനാദ്,സൽമാൻ.
സഹോദരങ്ങൾ : അഷ്റഫ് (ഷാർജ) ശാഫി (ഖത്തർ) ശിഹാബ്,സുബൈദ,സുറയ്യ,സുൽഫി.ഇതോടെ ഖത്തറിൽ കോവിഡ് ബാധിച്ചു മരിച്ച മലയാളികളുടെ എണ്ണം അഞ്ചായി. കോവിഡ് ബാധിച്ച് ചികിത്സയിലായിരുന്ന കോഴിക്കോട് കുറ്റ്യാടി കടിയങ്ങാട് പാലത്തിന് സമീപം മാളിയക്കണ്ടി മൊയ്തു ഹാജി (68) കഴിഞ്ഞ ദിവസം മരിച്ചിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക