May 18, 2021
May 18, 2021
മസ്കത്ത് : കോവിഡ് വൈറസിന്റെ ജനിതക മാറ്റം വന്ന ഇന്ത്യൻ വകഭേദം ഒമാനിൽ എത്തിയതായി ആരോഗ്യ മന്ത്രാലയം സ്ഥിരീകരിച്ചു.. ഫീൽഡ് ഹോസ്പിറ്റൽ ഡയറക്ടർ ഡോ. നബീൽ മുഹമ്മദ് അൽ ലവാതിയാണ് ഇക്കാര്യം വ്യക്തമാക്കിയത്. എന്നാൽ ഇക്കാര്യത്തിൽ ആശങ്കപ്പെടേണ്ട സാഹചര്യമില്ലെന്നും അദ്ദേഹം പറഞ്ഞു.. വൈറസ് വ്യാപനം തടയുന്നതിനുള്ള ഒരേ ഒരു മാർഗം എല്ലാവരും സ്വയം മുൻകരുതലുകൾ സ്വീകരിക്കുക മാത്രമാണെന്നും ഒമാൻ ടിവിക്ക് നൽകിയ പ്രത്യേക അഭിമുഖത്തിൽ അദ്ദേഹം വ്യക്തമാക്കി.
ഇതിനിടെ, ഒമാനിലെ ഫീൽഡ് ആശുപത്രികളിൽ ചികിത്സയിലുള്ള കോവിഡ് രോഗികളിൽ പകുതിയിലധികം പേരും 50 വയസ്സിൽ താഴെ പ്രായമുള്ളവരാണെന്ന് ഒമാൻ ടിവി പുറത്തുവിട്ട കണക്കുകളിൽ പറയുന്നു. ഫീൽഡ് ആശുപത്രികളിൽ രോഗികളുടെ എണ്ണം ആകെ ഉൾക്കൊള്ളാൻ കഴിയുന്നതിന്റെ 80 ശതമാനം ആയിരിക്കുകയാണ്. ഇതിൽ പകുതിയിലധികവും 50 വയസ്സിൽ താഴെ മാത്രം പ്രായമുള്ളവരാണ്. അതേ സമയം രാജ്യത്ത് വൈറസ് ബാധിതരായി ഐസിയു വിൽ ചികിത്സ ആവശ്യമുള്ളവരുടെ എണ്ണത്തിൽ കഴിഞ്ഞ ഏതാനും ദിവസങ്ങളിലായി കുറവ് രേഖപ്പെടുത്തിയിട്ടുണ്ട്.
ന്യൂസ്റൂം വാർത്തകൾ വേഗത്തിൽ ലഭിക്കാൻ പ്ളേസ്റ്റോറിൽ നിന്നും ആപ് സ്റ്റോറിൽ നിന്നും newsroom connect ആപ് ഡൗൺലോഡ് ചെയ്യുക.
Playstore :https://play.google.com/store/apps/details?id=com.friggitello.newsroom_qatar_user
App Store: https://apps.apple.com/us/app/newsroom-connect/id1559335758