May 03, 2020
May 03, 2020
യാമ്പു: ജീവനക്കാര്‍ക്ക് കൊവിഡ് 19 സ്ഥിരീകരിച്ചതിനെ തുടര്‍ന്ന് സൗദി അറേബ്യയിലെ യാമ്പു വ്യവസായ മേഖലയിൽ പ്രവർത്തിക്കുന്ന ഇൻഡസ്ട്രിയൽ സിറ്റിയിലെ റദ്‍‍വ ഡിസ്ട്രിക്ടില്‍ പ്രവര്‍ത്തിക്കുന്ന ഹൈപ്പര്‍ മാര്‍ക്കറ്റ് അടച്ചു. യാമ്പു റോയല്‍ കമ്മീഷനാണ് ഇക്കാര്യം അറിയിച്ചത്.
രോഗവ്യാപനം തടയുന്നതിനുള്ള മുന്‍കരുതല്‍ നടപടികളുടെ ഭാഗമായാണ് റദ്‍‍വയിലെ ഫാം സൂപ്പര്‍ സ്റ്റോര്‍ (അസ്വാഖ് അല്‍മസ്‌റഅ)ശാഖ അടപ്പിച്ചത്. ജീവനക്കാര്‍ക്കിടയില്‍ കൊവിഡ് റിപ്പോര്‍ട്ട് ചെയ്തപ്പോള്‍ തന്നെ പ്രതിരോധ നടപടിയുടെ ഭാഗമായി ഭാഗമായി ഹൈപ്പര്‍ മാര്‍ക്കറ്റ് അടപ്പിക്കുകയായിരുന്നു. മുഴുവന്‍ പ്രതിരോധ നടപടികളും കഴിഞ്ഞ് സ്ഥാപനം പൂര്‍ണമായും സുരക്ഷിതമാണെന്ന് ഉറപ്പാക്കിയ ശേഷം മാത്രമെ തുറക്കാന്‍ അനുവദിക്കുകയുള്ളൂ എന്ന് യാമ്പു റോയല്‍ കമ്മീഷന്‍ വ്യക്തമാക്കി. ജീവനക്കാര്‍ക്കിടയില്‍ കൊവിഡ് റിപ്പോര്‍ട്ട് ചെയ്തതിനെ തുടര്‍ന്ന് ഫാം സ്റ്റോറിന്റെ മറ്റ് നഗരങ്ങളിലെ ചില ശാഖകളും നേരത്തെ അടച്ചിരുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
