May 06, 2021
May 06, 2021
ദോഹ : കോവിഡ് ദുരിതത്തില്‍ വലയുന്ന ഇന്ത്യയിലേക്ക് കൂടുതൽ വൈദ്യസഹായം എത്തിക്കാൻ ഖത്തർ ശ്രമങ്ങൾ ഊർജിതമാക്കി.ഇതിന്റെ ഭാഗമായി ഖത്തര്‍-ഫ്രഞ്ച് സംയുക്ത സംരംഭമായി നാല്‍പ്പത് മെട്രിക് ടണ്‍ ഓക്സിജൻ കൂടി അടിയന്തിരമായി ഇന്ത്യയിലേക്ക് കയറ്റി അയച്ചു.. ഖത്തറിലെ ഫ്രഞ്ച് അംബാസഡറുടെ പരിശ്രമഫലമായി ഫ്രാന്‍സാണ് ഇതിനായുള്ള രണ്ട് ക്രയോജനിക് ടാങ്കറുകള്‍ സംഭാവന ചെയ്തത്. ടാങ്കറുകളില്‍ നിറയ്ക്കാനുള്ള ഓക്സിജന്‍ ഖത്തര്‍ നൽകി.
ടാങ്കറുകള്‍ ഇന്ത്യയിലേക്കെത്തിക്കുന്നതിനായി ഇന്ത്യന്‍ നാവിക സേനയുടെ INS ത്രികാന്ത് കപ്പല്‍ കഴിഞ്ഞ ദിവസം ദോഹയിലെത്തിയിരുന്നു.. ടാങ്കറുകള്‍ കപ്പലിലേക്ക് മാറ്റുന്ന ജോലികളും പൂര്‍ത്തിയായതോടെ ഇന്ന് രാവിലെ ദോഹയിൽ നിന്ന് കപ്പൽ യാത്ര തിരിച്ചു. കപ്പല്‍ രണ്ട് ദിവസം കൊണ്ട് ഡല്‍ഹിയിലെത്തും.
കപ്പൽ ദോഹ തുറമുഖത്തു നിന്നും പുറപ്പെടുന്നതിന്റെ ദൃശ്യങ്ങൾ ഖത്തറിലെ ഇന്ത്യൻ എംബസി ട്വിറ്ററിൽ പങ്കുവെച്ചിട്ടുണ്ട്.
ന്യൂസ്‌റൂം വാർത്തകൾ വേഗത്തിൽ ലഭിക്കാൻ പ്ളേസ്റ്റോറിൽ നിന്നും ആപ് സ്റ്റോറിൽ നിന്നും newsroom connect ആപ് ഡൗൺലോഡ് ചെയ്യുക.
Playstore :https://play.google.com/store/apps/details?id=com.friggitello.newsroom_qatar_user
App Store: https://apps.apple.com/us/app/newsroom-connect/id1559335758
