August 26, 2020
August 26, 2020
ഡബ്ലിന്‍: 64 വര്‍ഷമായി ഉപയോഗിക്കുന്ന 'ഫിംഗര്‍ ലിക്കിങ് ഗുഡ്' എന്ന പരസ്യവാചകം കെ.എഫ്.സി പിൻവലിച്ചു.. കോവിഡ് വ്യാപനത്തിന്റെ പശ്ചാത്തലത്തിൽ ഈ പരസ്യവാചകം തികച്ചും അനുചിതമാണെന്ന് കണ്ടെത്തിയതിനെ തുടര്‍ന്നാണ്‌ നടപടി.
'നിലവിലെ സാഹചര്യത്തില്‍ ഒട്ടും യോജിക്കാത്ത പരസ്യവാചകമാണിത്. ഇത് ബോധ്യമായതിനാലാണ് ഇത്തരത്തില്‍ ഒരു തീരുമാനമെടുത്തത്.' -കമ്പനിയുടെ ചീഫ് മാര്‍ക്കറ്റിംഗ് ഓഫീസര്‍ കാതറിന്‍ റ്റാന്‍ ഗില്ലെപ്സി പറഞ്ഞു. കൊറോണ വൈറസ് പ്രതിരോധത്തിന്റെ ഏറ്റവും പ്രധാനപ്പെട്ട ഘടകമാണ് കൈകള്‍ കഴുകാതെ കണ്ണ്, മൂക്ക്, വായ എന്നിവിടങ്ങളില്‍ സ്പര്‍ശിക്കരുത് എന്നത്. ഇത് പല സ്ഥാപനങ്ങളും നിരന്തരം ഉപഭോക്താക്കളോട് ആവശ്യപ്പെടാറുണ്ട്.
ഇത്തരമൊരു സാഹചര്യത്തില്‍ ഈ പരസ്യ വാചകം ഉപയോഗിക്കുന്നത് ശരിയല്ലെന്നാണ് കമ്പനിയുടെ വിശ്വാസം.. ഉചിതമായ സമയത്ത് പരസ്യ വാചകം തിരികെ കൊണ്ടുവരുമെന്നും കമ്പനി വ്യക്തമാക്കി. പരസ്യവാചകം മറച്ചു പിടിച്ചുള്ള കെ.എഫ്.സിയുടെ പരസ്യവീഡിയോയും സമൂഹ മാധ്യമങ്ങളില്‍ വൈറലാവുകയാണ്.
ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.
