May 06, 2021
May 06, 2021
തിരുവനന്തപുരം : സംസ്ഥാനത്ത് കോവിഡ് വ്യാപനം രൂക്ഷമായി തുടരുന്ന സാഹചര്യത്തിൽ മെയ് 8 മുതൽ 16 വരെ സംസ്ഥാനം പൂർണമായും അടച്ചിടും.സംസ്ഥാനത്ത് നിലവിലുള്ള മിനി ലോക്‌ഡോൺ സമ്പൂർണ ലോക്‌ഡോണാക്കി നിയന്ത്രണങ്ങൾ കർശനമാക്കാനാണ് തീരുമാനം.
അവശ്യ സാധനങ്ങള്‍ വില്‍ക്കുന്ന കടകള്‍ മാത്രമായിരിക്കും തുറക്കുക. ഇതിന് പ്രത്യേക സമയം നിശ്ചയിക്കും. ആശുപത്രി, കോവിഡ് പ്രതിരോധം തുടങ്ങിയ അവശ്യ സര്‍വീസുകള്‍ക്ക് മാത്രമായിരിക്കും അനുമതി ഉണ്ടായിരിക്കുക. നിയന്ത്രണങ്ങള്‍ സംബന്ധിച്ച സർക്കാരിന്റെ ഉത്തരവ് ഉടന്‍ പുറത്തിറങ്ങും.
സംസ്ഥാനത്ത് ലോക്ഡൗൺ ഏർപ്പെടുത്തണമെന്ന് ആരോഗ്യരംഗത്തെ വിദഗ്ധർ നേരത്തെ അഭിപ്രായപ്പെട്ടിരുന്നു. കഴിഞ്ഞ ദിവസം മാത്രം നാൽപതിനായിരത്തിലേറെ രോഗികളാണ് സംസ്ഥാനത്ത് റിപ്പോർട്ട് ചെയ്തത്. 25.69 ആയിരുന്നു ടെസ്റ്റ് പോസിറ്റിവിറ്റി നിരക്ക്. രോഗികളുടെ എണ്ണം ക്രമാതീതമായി വർധിക്കുന്നത് നിയന്ത്രിക്കാനാണ് സർക്കാർ ശ്രമം.
എന്നാൽ ആവശ്യവസ്തുക്കളുടെ ലഭ്യതക്ക് കുറവുണ്ടാവില്ല.ഭക്ഷ്യവസ്തുക്കളുമായി എത്തുന്ന ചരക്കു വാഹനങ്ങൾക്കും നിയന്ത്രണമുണ്ടാവില്ല.അതുകൊണ്ടുതന്നെ ലോക്‌ഡോൺ തുടങ്ങുന്നതിനു മുമ്പുള്ള രണ്ടു ദിവസങ്ങളിൽ ജനങ്ങൾ കൂട്ടത്തോടെ കടകളിൽ എത്തരുതെന്ന് അധികൃതർ പ്രത്യേകം നിർദേശിച്ചിട്ടുണ്ട്.പ്രവാസികൾ നാട്ടിലുള്ള കുടുംബാംഗങ്ങൾക്ക് ഇതുസംബന്ധിച്ച നിർദേശം നൽകണം.
ന്യൂസ്‌റൂം വാർത്തകൾ വേഗത്തിൽ ലഭിക്കാൻ പ്ളേസ്റ്റോറിൽ നിന്നും ആപ് സ്റ്റോറിൽ നിന്നും newsroom connect ആപ് ഡൗൺലോഡ് ചെയ്യുക.
Playstore :https://play.google.com/store/apps/details?id=com.friggitello.newsroom_qatar_user
App Store: https://apps.apple.com/us/app/newsroom-connect/id1559335758
ന്യൂസ്‌റൂം വാട്സ്ആപ് ഗ്രൂപ്പിൽ പുതുതായി ചേരാൻ https://chat.whatsapp.com/COcePZRxXYc5lGXcXjz1C7
