April 16, 2020
April 16, 2020
തിരുവനന്തപുരം : കോവിഡ് വ്യാപനത്തിന്റെ പശ്ചാത്തലത്തിൽ നാട്ടിലുള്ള പ്രവാസികൾക്ക് മൂന്ന് ശതമാനം പലിശയിൽ 50,000 രൂപവരെ സ്വർണപ്പണയ വായ്പ അനുവദിക്കുമെന്ന് മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ അറിയിച്ചു. സംസ്ഥാനത്തെ കേരളാ ബാങ്കിന്റെ 789 ശാഖകൾ വഴിയാണ് വായ്പ അനുവദിക്കുക. പരമാവധി നാലുമാസം വരെയായിരിക്കും വായ്പയുടെ കാലാവധി. എന്നാൽ ഇതിന് മറ്റു നിരക്കുകളൊന്നും ഈടാക്കില്ലെന്നും മുഖ്യമന്ത്രി പ്രതിദിന വാർത്താസമ്മേളനത്തിൽ അറിയിച്ചു.
പ്രവാസികളിൽ ഒരു വിഭാഗം അവശ്യമരുന്നുകൾ നാട്ടിൽ നിന്നും എത്തിക്കുന്നവരാണ്. ഇവർക്ക് നാട്ടിൽ നിന്നും മരുന്നുകൾ എത്തിക്കാൻ നോർക്ക വഴി പ്രത്യേകം സംവിധാനം ഏർപ്പെടുത്തുമെന്നും മുഖ്യമന്ത്രി പ്രതിദിന വാർത്താ സമ്മേളനത്തിൽ അറിയിച്ചു.
ന്യുസ്‌റൂം വാർത്തകൾ മുടങ്ങാതെ വാട്സ്ആപ്പിൽ ലഭിക്കാൻ +974 66200167 എന്ന ഖത്തർ വാട്സ് ആപ് നമ്പറിലേക്ക് സന്ദേശമയക്കുക.
