April 05, 2020
April 05, 2020
തിരുവനന്തപുരം : കോവിഡ് വ്യാപനത്തിന്റെ പശ്ചാത്തലത്തിൽ ലോകത്തിന്റെ വിവിധ ഭാഗങ്ങളിലുള്ള പ്രവാസി മലയാളികളുമായി മുഖ്യമന്ത്രി പിണറായി വിജയൻ ഇന്ന് വീഡിയോ കോൺഫറൻസ് വഴി സംസാരിക്കും. കേരളത്തിലെ സ്ഥിതിഗതികളും മറ്റു രാജ്യങ്ങളിൽ പ്രവാസികൾ നേരിടുന്ന പ്രശ്നങ്ങളും ചർച്ച ചെയ്യും.
ഗൾഫ് രാജ്യങ്ങൾ ഉൾപെടെ മലയാളികൾ ധാരാളമുള്ള പല ഗൾഫ് രാജ്യങ്ങളിലും കോവിഡ് വ്യാപകമാവുന്ന പശ്ചാത്തലത്തിൽ ഇവരുടെ ആശങ്കയകറ്റാനാണ് നീക്കം.
ഇതിനിടെ, കോഴിക്കോട് മെഡിക്കൽ കോളജിലെ ആരോഗ്യപ്രവർത്തകർക്ക് 1000 പിപിഇ കിറ്റുകൾ നൽകുമെന്ന് അഖിലേന്ത്യാ സുന്നി ജംഇയ്യത്തുൽ ഉലമാ ജനറൽ സെക്രട്ടറി കാന്തപുരം എ.പി.അബൂബക്കർ മുസല്യാർ വാഗ്ദാനം നൽകിയതായി മുഖ്യമന്ത്രി യുടെ ഓഫിസ് അറിയിച്ചു. 100 കിറ്റുകൾ കൈമാറി. ആരോഗ്യപ്രവർത്തകരുടെ യാത്രയ്ക്ക് ബസുകളും രോഗികൾക്കായി 40 ആംബുലൻസുകളും നൽകിയിട്ടുണ്ടെന്നും അദ്ദേഹം അറിയിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.