January 21, 2021
January 21, 2021
ദോഹ : ചേന്ദമംഗല്ലൂരിലെ പണ്ഡിതനും അധ്യാപകനുമായിരുന്ന സി ടി അബ്ദുൽ ജബ്ബാ ർമാസ്റ്റർ നാട്ടിൽ നിര്യാതനായി.പള്ളുരുത്തി,തിരുവമ്പാടി ഗവ.ഹൈസ്‌കൂളുകളിൽ അധ്യാപകനായി വിരമിച്ചതാണ്.മക്കൾക്കൊപ്പം യു.എ.ഇയിലായിരുന്ന ഇദ്ദേഹത്തെ രോഗബാധിതനായതിനെ തുടർന്ന് കഴിഞ്ഞയാഴ്ചയാണ് അജ്മാനിൽ നിന്ന് എയർ ആംബുലൻസിൽ നാട്ടിലെത്തിച്ചത്. കോഴിക്കോട് മിംസ് ആശുപത്രിയിൽ ചികിത്സയിലിരിക്കെ ഇന്ന് രാവിലെയായിരുന്നു അന്ത്യം.
ഭാര്യ മറിയം.ഖത്തറിലെ നൈസ് വാട്ടർ,സിഗ്മ പ്ലാസ്റ്റിക്സ് എന്നീ കമ്പനികളുടെ ഉടമ ബദറുസ്സമാൻ,ഷംസു(ഹാബിറ്റാറ്റ് സ്‌കൂൾ,യു.എ.ഇ),അദീബ്,അനീസ്(യു.എ.ഇ),നസീം,നസീബ എന്നിവർ മക്കളാണ്.മുൻ ഖത്തർ പ്രവാസിയും എഴുത്തുകാരനുമായ സി.ടി.അബ്ദുൽ റഹീം(ദയാപുരം) സഹോദരനാണ്.
ഖബറടക്കം ളുഹർ നമസ്കാരാനന്തരം (ഉച്ചക്ക് 1 മണിക്ക്) ചേന്ദമംഗല്ലൂർ ഒതയമംഗലം ഖബർസ്ഥാനിൽ.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
