May 28, 2021
May 28, 2021
ന്യൂഡൽഹി : കോവിഡ് വ്യാപനത്തിന്റെ പശ്ചാത്തലത്തിൽ നിർത്തലാക്കിയ അന്താരാഷ്ട്ര വിമാന സർവീസുകൾക്കുള്ള വിലക്ക് ഇന്ത്യ വീണ്ടും നീട്ടി. ജൂൺ 30 വരെ വിലക്ക് നീട്ടിക്കൊണ്ട് സിവിൽ വ്യോമയാന ഡയറക്ട്രേറ്റ് ഉത്തരവിട്ടു. നേരത്തെ മെയ് 31 വരെയാണ് നിരോധനം പ്രഖ്യാപിച്ചിരുന്നത്. എന്നാല് നിലവിൽ ചില റൂട്ടുകൾക്ക് ഇളവ് നല്കിയിട്ടുണ്ട്. ആ ഇളവ് അടുത്ത മാസവും തുടരും.
രാജ്യത്ത് ഒരു വർഷത്തിലധികമായി രാജ്യാന്തര വിമാനസർവീസുകൾക്കുള്ള വിലക്ക് തുടരുകയാണ്. കഴിഞ്ഞ വർഷം മാർച്ചിലാണ് വിമാന യാത്ര നിരോധനം ആരംഭിച്ചത്. പിന്നീട് ഘട്ടങ്ങളായി ഇത് നീട്ടുകയായിരുന്നു. എന്നാൽ ചില രാജ്യങ്ങളിൽ കുടുങ്ങിയ ഇന്ത്യക്കാരെ നാട്ടിലെത്തിക്കുന്നതിന് ആരംഭിച്ച വന്ദേഭാരത് മിഷൻ പദ്ധതിയുടെ ഭാഗമായി ഇന്ത്യൻ വിമാന കമ്പനികൾ പല രാജ്യങ്ങളിലേക്കും പ്രത്യേക സര്വീസ് നടത്തുന്നുണ്ട്.