July 14, 2020
July 14, 2020
ദോഹ : ദോഹയിൽ നിന്നും നാട്ടിലെത്തി തിരിച്ചുവരാൻ കഴിയാതെ കുടുങ്ങിയ ആലപ്പുഴ തോട്ടപ്പള്ളി സ്വദേശി നാട്ടിൽ നിര്യാതനായി. ദീർഘകാലമായി ഖത്തറിൽ പ്രവാസിയായിരുന്ന ഒറ്റപ്പന പുത്തൻപുരയിൽ കെ.എ.ഷറഫുദ്ധീ(65)നാണ് മരിച്ചത്. ഇന്ന് (ചൊവ്വ)വെളുപ്പിന് തിരുവല്ല പുഷ്പഗിരി ആശുപത്രിയിലായിരുന്നു അന്ത്യം.ഹൃദയാഘാതമാണ് മരണ കാരണം.
പതിനാല് വർഷത്തോളം ഖത്തർ എയർഫോഴ്‌സിൽജീവനക്കാരനായിരുന്നു. ദോഹയിലെ ബ്ലൂ സലൂണിൽ ഓപ്പറേഷൻ മാനേജറായി വിരമിച്ച ശേഷം ബിസിനസ് നടത്തിവരികയായിരുന്നു. ഭാര്യക്കും മക്കൾക്കുമൊപ്പം ദോഹയിൽ താമസിക്കുന്നതിനിടെ ചുരുങ്ങിയ ദിവസത്തേക്ക് തനിച്ചു നാട്ടിലേക്ക് പോയതായിരുന്നു.ഭാര്യയും മക്കളും ദോഹയിലാണ്.
ഭാര്യ : ഹംസത്ത്, മക്കൾ : ഷെഹീന,ഷെഫീന(ഡയറ്റിഷ്യൻ,ഹമദ് മെഡിക്കൽ കോർപറേഷൻ) മരുമക്കൾ : ഹഫ്സൽ,ഇസ്കന്തർ
മൃതദേഹം ഇന്ന് രാവിലെ പതിനൊന്നു മണിയോടെ ഖബറടക്കി.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
