September 06, 2019
September 06, 2019
സ്വേച്ഛാധിപതിയായ ഭരണാധികാരിയായായിരുന്നു പാശ്ചാത്യലോകം അദ്ദേഹത്തെ വിശേഷിപ്പിച്ചിരുന്നത്
ഹരാരെ: വാര്ധക്യസഹജമായ അസുഖങ്ങളെ തുടര്ന്ന് സിങ്കപ്പൂരില് ചികിത്സയിലിരിക്കെയാണ് മരണം. 95 വയസായിരുന്നു. മൂന്ന് പതിറ്റാണ്ടോളം സിംബാബ്വെയുടെ ഭരണത്തലവനായിരുന്ന മുഗാബെക്ക് 2017 ലെ പട്ടാള അട്ടിമറിയിലാണ് ഭരണം നഷ്ടമായത്.
സിംബാബ്വേയുടെ സ്വാതന്ത്ര്യസമര നായകനും ആദ്യ പ്രധാനമന്ത്രിയുമായ മുഗാബെ, 1921 ഫെബ്രുവരി 24നാണ് ജനിച്ചത്. 1980 ല് തെരഞ്ഞെടുപ്പിലൂടെ സിംബാബ്വെയുടെ പ്രധാനമന്ത്രിയായി തെരഞ്ഞെടുക്കപ്പെട്ട അദ്ദേഹം 1987 ല് രാജ്യത്തിന്റെ പ്രസിഡന്റായി. പിന്നീട് 2017 വരെ അദ്ദേഹം പ്രസിഡന്റ് സ്ഥാനത്ത് തുടര്ന്നു.
രാജ്യത്തെ കറുത്ത വര്ഗ്ഗക്കാരുടെ വിദ്യാഭ്യാസം, ആരോഗ്യം എന്നീ കാര്യങ്ങളിലായിരുന്നു മുഗാബെ ആദ്യകാലത്ത് ശ്രദ്ധ നല്കിയിരുന്നത്. എന്നാല് വെള്ളക്കാരുടെ പക്കല് നിന്നും ഭൂമി തിരിച്ചുപിടിച്ച് കറുത്തവര്ഗ്ഗക്കാര്ക്ക് നല്കാനുള്ള അദ്ദേഹത്തിന്റെ തീരുമാനം വലിയ പ്രതിഷേധങ്ങള്ക്ക് കൂടി വഴിവച്ചു.
മുമ്പ് റോദേഷ്യ എന്നറിയപ്പെട്ട സ്ഥലത്തായിരുന്നു അദ്ദേഹത്തിന്റെ ജനനം. അന്നത്തെ സര്ക്കാരിനെ വിമര്ശിച്ചതിന് 1964 ല് പത്ത് വര്ഷത്തോളം ജയിലിലടക്കപ്പെട്ടു. 1973 ല് തടവിലിരിക്കെ അദ്ദേഹം സിംബാബ്വെ ആഫ്രിക്കന് നാഷണല് യൂണിയന്റെ പ്രസിഡന്റായി തെരഞ്ഞെടുക്കപ്പെട്ടിരുന്നു.
1980ല് പ്രധാനമന്ത്രിയായി തിരഞ്ഞെടുക്കപ്പെട്ടു. 1987ല് പ്രസിഡന്റായി അധികാരമേറ്റു. പിന്നീട് 2017വരെ അദ്ദേഹം ആ സ്ഥാനത്ത് തുടര്ന്നു. .