May 31, 2021
May 31, 2021
മസ്കത്ത്: സന്ദര്‍ശകവിസകളില്‍ ഒമാനിലെത്തുന്ന പ്രവാസികള്‍ക്ക് തൊഴില്‍ പെര്‍മിറ്റ് വിസയിലേക്ക് മാറാന്‍ കഴിയുമെന്ന് റോയല്‍ ഒമാന്‍ പൊലീസ് അറിയിച്ചു.
ചില നിബന്ധനകള്‍ പാലിച്ചാല്‍ ഫാമിലി വിസക്കാര്‍ക്കും സ്റ്റുഡന്‍റ് വിസക്കാര്‍ക്കും ഈ നിയമം ബാധകമാണെന്നും വ്യക്തമാക്കി. വിദേശികളുടെ താമസനിയമത്തില്‍ പറയുന്ന വിവിധ വിസകള്‍ ഉത്തരവാദപ്പെട്ട അധികാരികള്‍ക്ക് തൊഴില്‍ വിസയും താല്‍ക്കാലിക തൊഴില്‍വിസയും ആക്കി മാറ്റാമെന്നാണ് അറിയിച്ചിരിക്കുന്നത്.
ജി.സി.സി രാജ്യങ്ങളിലെ താമസക്കാരുടെ സന്ദര്‍ശക വിസ, സുഹൃത്തുക്കളെയും കുടുംബാംഗങ്ങളെയും കാണാന്‍ വരുന്നവരുടെ സന്ദര്‍ശക വിസ, സിംഗ്ള്‍ എന്‍ട്രി വിസ, ബിസിനസ് വിസ, എക്സ്പ്രസ് വിസ, ഇന്‍വെസ്റ്റര്‍ വിസ, സ്റ്റുഡന്‍റ് വിസ, കപ്പലില്‍ സേവനമനുഷ്ഠിക്കുന്ന നാവികരുടെ വിസ, ക്രൂയിസ് കപ്പലുകളിലെ യാത്രക്കാരുടെ വിസ, റെസിഡന്‍ഷ്യല്‍ യൂനിറ്റ് ഉടമകളുടെയും കുടുംബങ്ങളുടെയും വിസ എന്നിവയാണ് തൊഴില്‍വിസയാക്കാന്‍ അനുമതിയുള്ളത്.
വിദേശികളുടെ താമസനിയമത്തിലെ എക്സിക്യൂട്ടിവ് റെഗുലേഷനിലെ ചില വ്യവസ്ഥകള്‍ ഭേദഗതിചെയ്യാന്‍ പൊലീസ് നിര്‍ദേശം ഇറക്കിയ ശേഷമാണ് തീരുമാനം പ്രാബല്യത്തില്‍ വരുന്നത്.
