December 03, 2020
December 03, 2020
ദോഹ: ഖത്തര്‍ ഫ്യുവല്‍ കമ്പനിയായ വൊക്വോദിന്റെ രണ്ട് പെട്രോള്‍ സ്‌റ്റേഷനുകള്‍ താല്‍ക്കാലികമായി അടച്ചു. നവീകരണത്തിനായാണ് ഇനിയൊരു അറിയിപ്പ് ഉണ്ടാകുന്നത് വരെ സ്‌റ്റേഷനുകള്‍ അടച്ചതെന്ന് കമ്പനി ട്വിറ്ററിലൂടെ അറിയിച്ചു. ഇന്‍ഡസ്ട്രിയല്‍ ഏരിയ, ന്യൂ റയ്യാന്‍ എന്നിവിടങ്ങളിലെ പെട്രോള്‍ സ്‌റ്റേഷനുകളാണ് അടച്ചത്.
അതേസമയം രണ്ട് പെട്രോള്‍ സ്‌റ്റേഷനുകളിലെയും സിദ്ര സേവനങ്ങളും ഇന്‍ഡസ്ട്രിയല്‍ ഏരിയയിലെ ഓട്ടോ കെയര്‍ സേവനങ്ങളും തുടര്‍ന്നും പ്രവര്‍ത്തിക്കും.
പെട്രോള്‍ സ്‌റ്റേഷനുകള്‍ അടയ്ക്കുന്നതിനെ തുടര്‍ന്ന് ഉപഭോക്താക്കള്‍ക്ക് ഉണ്ടാവുന്ന ബുദ്ധിമുട്ടുകള്‍ക്ക് വൊക്വോദ് ക്ഷമ ചോദിച്ചു.
അടച്ചിട്ട ന്യൂ റയ്യാന്‍ പെട്രോള്‍ സ്റ്റേഷന് ഏറ്റവും അടുത്തുള്ളത് റയ്യാന്‍, വാജ്ബ-3 പെട്രോള്‍ സ്‌റ്റേഷനുകളാണ്. ഇന്‍ഡസ്ട്രിയല്‍ ഏരിയയിലെ പെട്രോള്‍ സ്റ്റേഷന് ഉപയോഗിക്കുന്നവര്‍ക്ക് ഉം സനീമിലെയും ന്യൂ ഇന്‍ഡസ്ട്രിയല്‍ ഏരിയയിലെയും പെട്രോള്‍ സ്‌റ്റേഷനുകളും പകരമായി ഉപയോഗിക്കാം.
ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.
