December 26, 2019
December 26, 2019
ദോഹ : ലോക ഫുട്ബോളിൽ കാലുറപ്പിച്ച ഖത്തർ ഒളിമ്പിക് വോളിബോളിൽ പന്തുതട്ടാൻ തയാറെടുപ്പുകൾ തുടങ്ങി. 2020 ൽ ടോക്യോവിൽ നടക്കുന്ന ഒളിമ്പിക് വോളിബോളിൽ യോഗ്യത നേടാനുള്ള പരിശീലനത്തലാണ് ദേശീയ വോളിബോൾ ടീം. തിങ്കളാഴ്ച ക്യൂ.വി.എ ഹെഡ്ക്വർട്ടേഴ്സിലാണ് ദേശീയ ടീം പരിശീലനം തുടങ്ങിയത്.ജനുവരി 7 മുതൽ 12 വരെ ചൈനയിലാണ് വോളിബോൾ യോഗ്യതാ മത്സരങ്ങൾ നടക്കുന്നത്.
അലി അബ്ദുല്ലാ അൽ ഹദ്ദാദാണ് ഖത്തർ ദേശീയ വോളീബോൾ ടീമിന്റെ ക്യാപ്റ്റൻ. കാമിലോ സൂട്ടോയാണ് ടീമിന്റെ പ്രധാന പരിശീലകൻ. കാർലോസ് ജെർമിൻ ആണ് ഫിറ്റ്നസ് കോച്ച്. പതിനാറംഗ ടീമിൽ മുബാറക് ദാഹി വലീദ്,സുൽത്താൻ അബ്ദുല്ല, അഹമ്മദ് ജമാൽ, മുഹമ്മദ് ഇബ്രാഹിം സൈദ്,ബിലാൽ നബീൽ,സുലൈമാൻ സഈദ്,മിലോസ് സ്റ്റിവാനോവിക്, നാദിർ അബുബക്കർ,റെനൻ റെബെറിയോ,അസം മഹമൂദ്, ജറാൾഡോ, നാഗി മഹമൂദ്,ഖാലിദ് സമിയ, നിക്കോള, ഒത്മാൻ അബ്ദുൽ വാഹിദ്, അഹമദ് ബസ്സം എന്നിവരാണ് ടീം അംഗങ്ങൾ.
അതേസമയം,ഖത്തർ വോളിബോൾ അസോസിയേഷന്റെ ലീഗ് മത്സരങ്ങളുടെ ആദ്യഘട്ടം ഡിസംബർ 25 ന് ആരംഭിക്കും. ജനുവരി 18 ന് ഖത്തർ സ്പോർട്സ് ക്ലബ്ബും അൽ റയ്യാൻ ക്ലബ്ബും തമ്മിലാണ് ലീഗ് മത്സരത്തിലെ രണ്ടാം ഘട്ട പോരാട്ടം. അന്ന് തന്നെ യോഗ്യതാ മത്സരത്തിനായി ടീം ചൈനയിലേക്ക് തിരിക്കും.
ഖത്തർ-ഗൾഫ് വാർത്തകൾ മുടങ്ങാതെ ലഭിക്കാൻ ഇനിയും ഒരു ഗ്രൂപ്പിലും അംഗങ്ങളായി ചേർന്നിട്ടില്ലാത്തവർ +974 66200 167 എന്ന ഖത്തർ വാട്സ്ആപ്പ് നമ്പറിൽ വിവരം അറിയിക്കുക.