Breaking News
ഔദ്യോഗിക സന്ദര്‍ശനത്തിനായി ഒമാന്‍ ആഭ്യന്ത്രമന്ത്രി ഖത്തറിൽ എത്തി | ഭക്ഷണം പാഴാക്കുന്നത് കുറയ്ക്കണമെന്ന് ജനങ്ങളോട് അഭ്യര്‍ത്ഥിച്ച് ഖത്തര്‍ മുന്‍സിപ്പാലിറ്റി-പരിസ്ഥിതി മന്ത്രാലയം | ഖത്തറിലെ സൗദി എംബസി ദിവസങ്ങള്‍ക്കുള്ളില്‍ വീണ്ടും തുറക്കുമെന്ന് സൗദി വിദേശകാര്യ മന്ത്രി | 'വാഗ്ദാനങ്ങള്‍ പാലിച്ചുകൊണ്ട് ഞാന്‍ ആരംഭിക്കുന്നു'; മുസ്‌ലിംകൾക്കുള്ള  വിലക്ക് റദ്ദാക്കി ജോ ബെയ്ഡന്‍ | ജോ ബെയ്ഡനെ അഭിനന്ദിച്ച് ഖത്തര്‍ അമീര്‍; പുതിയ യു.എസ് പ്രസിഡന്റിനെ അഭിനന്ദിച്ച് മറ്റ് അറബ് രാജ്യങ്ങളും | കൊറോണ വൈറസ്: മിഡില്‍ ഈസ്റ്റിലെ എയര്‍ലൈനുകളുടെ ശേഷി 57.2 ശതമാനം കുറഞ്ഞു; ഈ വര്‍ഷം അവസാനത്തോടെ പഴയപടി ആയേക്കാമെന്ന് വിദഗ്ധര്‍ | 'സ്വേച്ഛാധിപതിയുടെ യുഗം അവസാനിച്ചു'; ട്രംപിന്റെ ഭരണം അവസാനിച്ചതില്‍ സന്തോഷം പ്രകടിപ്പിച്ച് ഇറാന്‍; ബെയ്ഡനെ സ്വാഗതം ചെയ്തു | ദോഹയിലെ നൈസ് വാട്ടർ ഉടമ ബദറുസ്സമാന്റെ പിതാവും അധ്യാപകനുമായ സി.ടി അബ്ദുൽ ജബ്ബാർ മാസ്റ്റർ നിര്യാതനായി  | യു.എ.ഇയിൽ വീട്ടുജോലിക്കാരെ നിയമിക്കുന്ന എല്ലാ സ്വകാര്യ ഏജന്‍സികളും ഈ വര്‍ഷം മാര്‍ച്ചോടെ അടച്ചു പൂട്ടും | നാല് രാജ്യങ്ങളില്‍ നിന്ന് ഖത്തറില്‍ എത്തുന്നവര്‍ക്ക് ക്വാറന്റൈന്‍ ഇളവുകള്‍ ലഭിക്കില്ലെന്ന് പൊതുജനാരോഗ്യ മന്ത്രാലയം |
മുരിങ്ങയുടെ ഔഷധ ഗുണങ്ങള്‍ വിശദീകരിക്കുന്ന സൗദിയില്‍ നിന്നുള്ള വീഡിയോ വൈറല്‍; വീഡിയോ കാണാം

January 06, 2021

January 06, 2021

ജിദ്ദ: മലയാളികളുടെ കറികളിലെ പ്രധാന പച്ചക്കറി എന്നതിലുപരി ഏറെ ഔഷധഗുണമുള്ള ഒന്ന് കൂടിയാണ് മുരിങ്ങ. മുരിങ്ങയുടെ കായ മാത്രമല്ല ഇല, പൂവ്, വിത്ത് തുടങ്ങി എല്ലാ ഭാഗങ്ങളും ഔഷധഗുണമുള്ളതാണ്. അതിനാലാണ് ഇപ്പോഴും മലയാളികളുടെ അടുക്കളത്തോട്ടത്തില്‍ മുരിങ്ങയ്ക്ക് സ്ഥാനമുള്ളത്. 

വൈറ്റമിന്‍ സി, എ, കാത്സ്യം, പൊട്ടാസ്യം, ഇരുമ്പ്, പ്രോട്ടീന്‍ എന്നീ ധാതുക്കള്‍ക്കു പുറമെ ബീറ്റാ കരോട്ടിന്‍, അമിനോ ആസിഡ്, ആന്റീ ഓക്‌സിഡന്റ് ആയ ഫെനോലിക്‌സ്, കരോട്ടിനോയ്ഡ്, അസ്‌കോര്‍ബിക് ആസിഡ് മുതലായവ മുരിങ്ങയില്‍ അടങ്ങിയിരിക്കുന്നു. മുരിങ്ങയിലയിലുള്ള വൈറ്റമിന്‍സി രോഗപ്രതിരോധശേഷി വര്‍ധിപ്പിക്കുന്നതിന് സഹായകരമാണെന്ന് ശാസ്ത്രം പറയുന്നു. 

മുരിങ്ങയില സ്ഥിരം കഴിക്കുന്നത് ബുദ്ധിശക്തി വര്‍ധിപ്പിക്കും. കുട്ടികളുടെ ശരീരപുഷ്ടിക്കും, കൃമിശല്യം ഒഴിവാക്കാനും രക്തശുദ്ധീകരണത്തിനും മുരിങ്ങയില കഴിക്കുന്നതു ഫലപ്രദമാണ്.

അധികമായാല്‍ അമൃതും വിഷം എന്നു പറയുന്നതുപോലെ മുരിങ്ങ അമിതമായി കഴിച്ചാല്‍ ദഹനക്കേടും വയറിളക്കവുമുണ്ടാകാം.

മുരിങ്ങ അബോര്‍ട്ടീവ് മെഡിസിന്‍ കൂടി ആയതിനാല്‍ ഗര്‍ഭാവസ്ഥയിലെ ആദ്യമാസങ്ങളില്‍ ഇതു കഴിക്കരുത് എന്നും വിദഗ്ധര്‍ പറയുന്നു.

നമ്മുടെ കേരളത്തില്‍ മാത്രമല്ല. സൗദി അറേബ്യയിലെയും പ്രധാനപ്പെട്ട കൃഷികളിലൊന്നാണ് മുരിങ്ങ. ഇപ്പോഴിതാ മുരിങ്ങയെ കുറിച്ച് സൗദിയില്‍ നിന്ന് പോസ്റ്റ് ചെയ്ത ഒരു വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. ആയിരക്കണക്കിന് പ്രവാസികളാണ് വീഡിയോ ഷെയര്‍ ചെയ്തിരിക്കുന്നത്. 

മുരിങ്ങയുടെ ഓരോ ഭാഗത്തിന്റെയും ഔഷധ ഗുണങ്ങള്‍ വീഡിയോയില്‍ വിശദീകരിക്കുന്ന ഈ വീഡിയോ സൗദിയില്‍ എവിടെ നിന്നാണ് എടുത്തത് എന്ന് വ്യക്തമല്ല. വീഡിയോ എടുത്തത് എവിടെ നിന്നാണെന്നും ഫോണ്‍ നമ്പര്‍ കിട്ടുമോ എന്നുമെല്ലാം നിരവധി പേരാണ് അന്വേഷിക്കുന്നത്. 

വീഡിയോ കാണാം:

 


ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.

ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.

ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News