December 16, 2019
December 16, 2019
ദോഹ : പൊതുനിരത്തിൽ അപകടകരമായ വിധത്തിൽ അഭ്യാസപ്രകടനം നടത്തിയ കാർ ഗതാഗത മന്ത്രാലയം പിടികൂടി. ദോഹയിലെ ലിആഐബ് പ്രദേശത്ത് എസ്.യു.വി വാഹനം കൊണ്ട് നിരത്തിൽ അഭ്യാസം കാണിക്കുന്നതിന്റെ ചിത്രം സമൂഹ മാധ്യമങ്ങളിൽ വ്യാപകമായി പ്രചരിച്ചതിനെ തുടർന്നായിരുന്നു നടപടി. തുടർന്ന് പോലീസ് വാഹനം പിടിച്ചെടുക്കുകയായിരുന്നു.
തുടർനടപടികൾക്കായി പ്രതിയെ പബ്ലിക് പ്രോസിക്യൂഷന് കൈമാറി. നിരത്തിൽ കേടുപാടുകളുണ്ടാക്കിയതിന് ഇയാളിൽ നിന്ന് നഷ്ടപരിഹാരം ഈടാക്കുമെന്നും ഗതാഗത മന്ത്രാലയം ട്വീറ്റ് ചെയ്തു. വാഹനം ഉപയോഗിച്ച് അഭ്യാസപ്രകടനം നടത്തുന്നതിന്റെ ദൃശ്യവും മന്ത്രാലയം ട്വിറ്ററിൽ പങ്കുവെച്ചിട്ടുണ്ട്.