March 18, 2020
March 18, 2020
ദോഹ : ഖത്തറിൽ വാഹനങ്ങളുടെ രജിസ്‌ട്രേഷൻ അഥവാ ഇസ്തിമാറ പുതുക്കന്നതിനുള്ള സാങ്കേതിക പരിശോധനകൾ താത്കാലികമായി ഒഴിവാക്കിയതായി ഗതാഗത വിഭാഗം അറിയിച്ചു. ഇതനുസരിച്ച് ഇസ്തിമാറ പുതുക്കാൻ ഇനി ഒരു അറിയിപ്പ് ഉണ്ടാകുന്നതുവരെ ഫഹസിൽ പരിശോധനകൾ പൂർത്തിയാക്കേണ്ടതില്ല. അൽറയാൻ ടെലിവിഷന് നൽകിയ അഭിമുഖത്തിൽ ബോധവത്കരണ വിഭാഗം ഉദ്യോഗസ്ഥൻ അബ്ദുൽ മുഹ്‌സിൻ അൽ റുവൈലിയാണ് ഇക്കാര്യം അറിയിച്ചത്. മാർച്ച 22 ഞായറാഴ്ച മുതൽ ഇത് നിലവിൽ വരും.
വാഹന പരിശോധനയ്ക്കുള്ള രജിസ്ട്രേഷനും പണമടക്കലും പരിശോധനാ കേന്ദ്രങ്ങളിലേക്ക് പോകാതെ WOQOD മൊബൈൽ ആപ്പ് ഉപയോഗിച്ച് ചെയ്യാമെന്ന് ഫാഹെസ് ബുധനാഴ്ച പ്രസ്താവനയിൽ അറിയിച്ചു.ഇതിനുള്ള വൊഖൂദ് ആപ് ഐ...ഒ,എസിലും ആൻഡ്രോയിഡിലും ലഭ്യമാണ്.വൊഖൂദ് മൊബൈൽ ആപ് തുറന്ന ശേഷം ഫഹസിന്റെ ഐക്കണിൽ ക്ലിക്ക് ചെയ്ത ശേഷം ഫഹസിന്റെ പേജിൽ പോയാണ് നടപടികൾ പൂർത്തിയാക്കേണ്ടത്. കോവിഡ് 19 വ്യാപിക്കാനുള്ള സാധ്യത കണക്കിലെടുത്ത് ജനങ്ങളുമായുള്ള സമ്പർക്കം കുറയ്ക്കാനാണ് പുതിയ സൗകര്യം ഏർപെടുത്തിയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.
