November 30, 2019
November 30, 2019
റാസൽഖൈമ : ശനിയാഴ്ച പുലര്ച്ചെയുണ്ടായ ബൈക്കപകടത്തില് റാസ് അല് ഖൈമ രാജകുടുംബാംഗം മരിച്ചു. രാജകുടുംബാംഗമായ ശൈഖ് സഖര് ബിന് താരിഖ് ബിന് കയീദ് അല് ഖാസിമിയാണ് മരിച്ചത്. അല് ധൈത് പ്രദേശത്ത് അർധരാത്രി 12.30 നായിരുന്നു ശൈഖ് സഖറിന്റെ മോട്ടോര് സൈക്കിള് അപകടത്തില്പ്പെട്ടത്.ശൈഖ് സഖര് സംഭവസ്ഥലത്ത് തന്നെ മരിച്ചുവെന്ന് റാസൽഖൈമ പോലീസ് അറിയിച്ചു.
ഇന്ന് (ശനിയാഴ്ച) ളുഹർ നമസ്കാരത്തിന് ശേഷം മൃതദേഹം റാസ് അല് ഖൈമയിലെ അല് ഖവാസിം ഖബറിടത്തില് സംസ്കരിച്ചു.റാസ് അല് ഖൈമ പോലീസിലെ ഫസ്റ്റ് ലഫ്റ്റനന്റ് ഉദ്യോഗസ്ഥനായിരുന്നു ശൈഖ് സഖര്.
ശൈഖ് സഖറിന്റെ മരണത്തില് റാസ് അല് ഖൈമയിലെ പോലീസ് സേന അനുശോചനം രേഖപ്പെടുത്തി.