April 22, 2020
April 22, 2020
ദുബായ് : യു.എ.ഇയിൽ കോവിഡ് രോഗബാധിതരുടെ എണ്ണം 8,238 ആയി. ഇന്ന് ബുധനാഴ്ച മാത്രം 483 പേരിലാണ് രോഗം സ്ഥിരീകരിച്ചത്. 131പേർ കൂടി സുഖം പ്രാപിച്ചതോടെ മൊത്തം രോഗവിമുക്തരായവരുടെ എണ്ണം 1546 ആയി. ഇന്ന് ആറു പേർ കൂടി മരിച്ചതോടെ രാജ്യത്തെ മൊത്തം മരണസംഖ്യ 52 ആയി ഉയർന്നതായി ആരോഗ്യമന്ത്രാലയം ഔദ്യോഗിക വക്താവ് ഡോ.ഫരീദാ അൽ ഹൊസാനി അറിയിച്ചു.
ഇന്ന് മരണപ്പെട്ട ആറു പേരിൽമൂന്ന് മലയാളികളും ഉൾപെടും. ഗുരുവായൂര് കോട്ടപ്പടിക്കടുത്ത് താഴിശേരി സ്വദേശി പനക്കല് ബാബുരാജ് (55), വടകര പുത്തൂർ 110 കെവി സബ്സ്റ്റേഷന് സമീപം താമസിക്കുന്ന ഒതയോത് അഷ്റഫ്(62), പത്തനംതിട്ട കോട്ടാങ്ങല് പുത്തൂര്പ്പടി തടത്തില് പടിഞ്ഞാറേതില് അജി ഗോപിനാഥ് (42)എന്നിവരാണ് ഇന്ന് മരണപ്പെട്ട മലയാളികൾ.
ന്യുസ്റൂം വാർത്തകൾ മുടങ്ങാതെ വാട്സ്ആപ്പിൽ ലഭിക്കാൻ +974 66200167 എന്ന ഖത്തർ വാട്സ് ആപ് നമ്പറിലേക്ക് സന്ദേശമയക്കുക