December 05, 2019
December 05, 2019
ദുബായ് : അറേബ്യൻ ഗൾഫ് കപ്പിൽ ഖത്തറുമായുള്ള ഗ്രൂപ് മത്സരത്തിൽ സെമിഫൈനൽ കാണാതെ പുറത്തായതിന് യു.എ.ഇ പരിശീലകൻ ബെർട് വാൻ മെർജിവിക്കിനെ തൽസ്ഥാനത്തു നിന്ന് നീക്കം ചെയ്തു. റോയിട്ടേഴ്സാണ് ഇക്കാര്യം റിപ്പോർട്ട് ചെയ്തത്. മാർച് 26 ന് മലേസ്യയിൽ നടക്കാനിരിക്കുന്ന ലോകകപ്പ് യോഗ്യതാ മത്സരത്തിൽ പങ്കെടുക്കാനിരിക്കെയാണ് യു.എ.ഇ പരിശീലകനെ മാറ്റിയത്.
2010 ൽ ദക്ഷിണാഫ്രിക്കയിൽ നടന്ന ലോകകപ്പ് ഫുട്ബോളിൽ ജന്മനാടായ നെതർലാന്റിനെ നയിച്ച മെർജിവിക് ഈ വർഷം തുടക്കത്തിലാണ് യു.എ.ഇ ടീം പരിശീലകനായി ചേർന്നത്. 2015 മുതൽ 2017 വരെ സൗദി അറേബ്യയുടെ ദേശീയ ടീം പരിശീലകനായിരുന്നു.
കഴിഞ്ഞ തിങ്കളാഴ്ച നടന്ന അറേബ്യൻ ഗൾഫ് കപ്പ് അവസാന റൌണ്ട് ഗ്രൂപ് മത്സരത്തിൽ രണ്ടിനെതിരെ നാല് ഗോളുകൾക്കാണ് ഖത്തർ യു.എ.ഇ യെ പരാജയപ്പെടുത്തിയത്.
ഖത്തറിൽ നിന്നും ഗൾഫ് - അറബ് മേഖലയിൽ നിന്നുമുള്ള ഏറ്റവും പുതിയ വാർത്തകൾ മുടങ്ങാതെ ലഭിക്കാൻ ഇതുവരെ ഒരു ഗ്രൂപ്പിലും അംഗങ്ങളാവാത്തവർ +974 66200167 എന്ന വാട്സ് ആപ് നമ്പറിലേക്ക് സന്ദേശം അയക്കുക.