July 19, 2020
July 19, 2020
അബുദാബി : യു.എ.ഇയില് പുതിയ കോവിഡ് 19 കേസുകളുടെ എണ്ണത്തില് വീണ്ടും കുറവ് രേഖപ്പെടുത്തി. ഞായറാഴ്ചയിലെ റിപ്പോർട്ട് പ്രകാരം 211 പേരിലാണ് പുതുതായി രോഗം സ്ഥിരീകരിച്ചത്. ശനിയാഴ്ച 289 കേസുകളാണ് ഉണ്ടായിരുന്നത്.
യു.എ.ഇ ആരോഗ്യ - പ്രതിരോധ മന്ത്രാലയം ഞായറാഴ്ച്ച പുറത്തുവിട്ട കണക്കുകള് പ്രകാരം 352 രോഗികള് രോഗമുക്തി നേടിയിട്ടുണ്ട്. ഒരു മരണം കൂടി റിപ്പോർട്ട് ചെയ്തതോടെ മരണ നിരക്ക് 339 ആയി.
47,000 പുതിയ പരിശോധനകളിൽ നിന്നാണ് 211 പേരിൽ രോഗം സ്ഥിരീകരിച്ചത്.
ഇതോടെ രാജ്യത്ത് കോവിഡ് ബാധിച്ചവരുടെ എണ്ണം 56,922 ആയി. 49,269 പേര് രോഗമുക്തി നേടി. നിലവില് 7,314 പേരാണ് ചികിത്സയിലുള്ളത്.
അതേസമയം, കൊറോണ വൈറസ് വ്യാപനം നിയന്ത്രിക്കുന്നതിന് നേരത്തെ ഏര്പ്പെടുത്തിയിരുന്ന നടപടികള് ലഘൂകരിക്കുന്നതിന്റെ ഭാഗമായി യു.എ.ഇയിലെ മാളുകളിലെയും ഷോപ്പിംഗ് സെന്ററുകളിലെയും പ്രാര്ത്ഥന മുറികള് ജൂലൈ 20 തിങ്കളാഴ്ച മുതല് 30 ശതമാനം ശേഷിയില് വീണ്ടും തുറക്കും. ഷാര്ജയില് സര്ക്കാര് ജീവനക്കാര് ഇന്ന് മുതല് 100 ശതമാനം ശേഷിയില് ജോലിയില് പ്രവേശിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക