March 12, 2020
March 12, 2020
ദുബായ് : യു.എ.ഇ യിൽ ഇന്ന് (വ്യാഴാഴ്ച) പുതുതായി പതിനൊന്നു പേരിൽ കൂടി കോവിഡ് 19 വൈറസ് ബാധ സ്ഥിരീകരിച്ചു. ഇതോടെ രാജ്യത്ത് രോഗം ബാധിച്ചവരുടെ എണ്ണം 85 ആയി.ഇതുവരെ രോഗബാധിതരായവരിൽ 17 പേർ രോഗവിമുക്തി നേടിയതായും ആരോഗ്യമന്ത്രാലയം അറിയിച്ചു.
രണ്ട് ഇറ്റാലിയൻ പൗരന്മാരും
വിദേശയാത്രകഴിഞ്ഞു രാജ്യത്ത് തിരിച്ചെത്തിയവരിലാണ് രോഗബാധ സ്ഥിരീകരിച്ചത്. ഇവരിൽ രണ്ടുപേർ വീതം ഇറ്റലിയിൽ നിന്നും ഫിലിപ്പൈൻസിൽ നിന്നും ഉള്ളവരാണ്. കാനഡ,ജർമനി,പാക്കിസ്ഥാൻ,റഷ്യ,ബ്രിട്ടൻ എന്നീ രാജ്യങ്ങളിൽ നിന്നുള്ളവരാണ് മറ്റുള്ളവർ.ഒരാൾ യു.എ.ഇ പൗരനാണ്.
പുതുതായി രോഗബാധ കണ്ടെത്തിയ പതിനൊന്നുപേരുടെയും ആരോഗ്യനില തൃപ്തികരമാണെന്ന് യു.എ.ഇ ആരോഗ്യമന്ത്രാലയം അറിയിച്ചു. രോഗപ്രതിരോധത്തിനാവശ്യമായ എല്ലാ സജ്ജീകരണങ്ങളും രാജ്യത്ത് ഒരുക്കിയിട്ടുണ്ടെന്നും അധികൃതർ വ്യക്തമാക്കി.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.