November 17, 2020
November 17, 2020
വാഷിംഗ്ടൺ : ഖത്തറും ചില ഗൾഫ് രാജ്യങ്ങളുമായുള്ള പ്രശ്നങ്ങള് എത്രയും പെട്ടെന്ന് പരിഹരിക്കപ്പെടുമെന്ന് കരുതുന്നില്ലെന്ന് അമേരിക്കയിലെ യു.എ.ഇ അംബാസഡര്. ഇക്കാര്യം ആരുടെയും മുന്ഗണനാ പട്ടികയില് പോലും ഇല്ലാത്ത കാര്യമാണെന്നും യു.എ.ഇ അംബാസഡര് യൂസഫ് അല് ഒതൈബ പറഞ്ഞു. ഖത്തറും അറബ് രാജ്യങ്ങളുമായുള്ള പ്രശ്നങ്ങള് നാലാം വര്ഷത്തിലേക്ക് കടക്കുമ്പോഴാണ് അദ്ദേഹത്തിന്റെ പ്രസ്താവന.ബ്ലൂംബർഗ് ആണ് ഇക്കാര്യം റിപ്പോർട്ട് ചെയ്തത്.
'അവര് അവരുടെതായ വഴിക്ക് പോകാന് ആഗ്രഹിക്കുന്നു, നമ്മള് നമ്മുടെ വഴിക്കും.' -അദ്ദേഹം പറഞ്ഞു.
ഇക്കണോമിക് ക്ലബ് ഓഫ് വാഷിംഗ്ടണ് ഡി.സി സംഘടിപ്പിച്ച പാനല് ചര്ച്ചയില് സംസാരിക്കുകയായിരുന്നു യൂസഫ് അല് ഒതൈബ.. ഇസ്രയേല്, ബഹ്റൈന് തുടങ്ങിയ രാജ്യങ്ങളുടെ യു.എസ് അംബാസഡര്മാരും ചര്ച്ചയില് പങ്കെടുത്തു.
ഖത്തർ എയർവെയ്സ് വിമാനങ്ങൾക്ക് സൗദി-ബഹ്റൈൻ വ്യോമപാതകളിൽ ഏർപ്പെടുത്തിയ വിലക്ക് അടുത്ത എഴുപത് ദിവസങ്ങൾക്കുള്ളിൽ പരിഹരിക്കപ്പെടുമെന്ന് പ്രതീക്ഷിക്കുന്നതായി അമേരിക്കൻ പ്രസിഡന്റ് ഡൊണാൾഡ് ട്രംപിന്റെ ദേശീയ സുരക്ഷാ ഉപദേഷ്ടാവ് അംബാസിഡർ റോബർട്ട് ഓ’ബ്രെയിൻ തിങ്കളാഴ്ച ദോഹയിൽ പറഞ്ഞിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.