January 13, 2020
January 13, 2020
ദോഹ : ഇന്ത്യ - ഖത്തർ സാംസ്കാരിക വർഷാചരണത്തിൻറെ ഭാഗമായി ഖത്തർ സാംസ്കാരിക മന്ത്രാലയത്തിന് വേണ്ടി മലയാളത്തിൽ നിന്നും അറബിയിലേക്ക് വിവർത്തനം ചെയ്ത രണ്ടു പുസ്തകങ്ങളുടെ പ്രകാശനം നാളെ ദോഹയിൽ നടക്കും. നാളെ(ജനുവരി 14 ചൊവ്വ) വൈകീട്ട് ഏഴ് മണിക്ക് ദോഹ എക്സിബിഷൻ ആൻഡ് കൺവൻഷൻ സെന്ററിൽ അന്താരാഷ്ട്ര പുസ്തകമേളയിലാണ് പുസ്തകങ്ങൾ പ്രകാശനം ചെയ്യുന്നത്.
കവി വീരാൻകുട്ടിയുടെ തെരെഞ്ഞെടുത്ത നൂറു കവിതകൾ "അസ്ദാഉസ്സുംത്" അഥവാ നിശബ്ദതയുടെ മുഴക്കങ്ങൾ എന്ന പേരിലും ബി. എം സുഹറയുടെ "ഇരുട്ട്" എന്ന നോവൽ "തഹ്തസ്സമാഇൽ മുദ്ലിമ" എന്ന പേരിലുമാണ് പുറത്തിറങ്ങുന്നത്. ഖത്തർ സാംസ്കാരിക മന്ത്രാലയം പ്രസിദ്ധീകരിക്കുന്ന മലയാളത്തിൽ നിന്നുള്ള ആദ്യ വിവർത്തന കൃതികളാണിത്.വൈക്കം മുഹമ്മദ് ബഷീറിന്റെ വിഖ്യാത നോവൽ ബാല്യകാല സഖി, ബെന്യാമിന്റെ ആടുജീവിതം എന്നീ പുസ്തകങ്ങൾ അറബിയിലേക്ക് മൊഴിമാറ്റിയ ദോഹയിൽ ജോലി ചെയ്യുന്ന സുഹൈൽ വാഫിയാണ് രണ്ടു പുസ്തകങ്ങളുടെയും പരിഭാഷ നിർവഹിച്ചത്.