March 21, 2020
March 21, 2020
ദുബായ് : കോവിഡ് 19 രോഗബാധിതരായ രണ്ടു പേർ മരണപ്പെട്ടതായി യു.എ.ഇ ആരോഗ്യമന്ത്രാലയം അറിയിച്ചു. വെള്ളിയാഴ്ച രാത്രിയാണ് ആരോഗ്യമന്ത്രാലയം ഇക്കാര്യം അറിയിച്ചത്. യൂറോപ്പിൽ നിന്നും തിരിച്ചെത്തിയ യു.എ.ഇ സ്വദേശിയാണ് മരണപ്പെട്ട ഒരാൾ. ഹൃദയാഘാതത്തെ തുടർന്നായിരുന്നു അന്ത്യം. മരണപ്പെട്ട രണ്ടാമത്തെ ആൾ ഏഷ്യൻ വംശജനായ വിദേശിയാണ്.58 കാരനായ ഇദ്ദേഹം ഹൃദ്രോഗം,കിഡ്നി സംബന്ധമായ അസുഖങ്ങൾ ഉൾപെടെ നിരവധി അസുഖങ്ങളുള്ള വ്യക്തിയായിരുന്നുവെന്നും ആരോഗ്യമന്ത്രാലയം അറിയിച്ചു.
ഇതോടെ ഗൾഫിൽ കോവിഡ് ബാധിച്ച് മരിക്കുന്നവരുടെ എണ്ണം മൂന്നായി. കഴിഞ്ഞ 16 ന് ബഹ്റൈനിലാണ് ഗൾഫിലെ ആദ്യമരണം റിപ്പോർട്ട് ചെയ്തത്. 65 കാരിയായ വനിതയാണ് ബഹ്റൈനിൽ മരണപ്പെട്ടത്.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.