August 31, 2019
August 31, 2019
സൂക്ഷിക്കുക,വാഹനവുമായി നിരത്തിലിറങ്ങുന്നതിന് മുമ്പ് ഇക്കാര്യങ്ങൾ ഓർത്തില്ലെങ്കിൽ കീശ കാലിയാകും
ന്യൂഡൽഹി : കേന്ദ്രമോട്ടോർ വാഹനനിയമത്തിലെ ഭേദഗതികൾ നാളെ മുതൽ കേരളത്തിലും കർശനമായി നടപ്പാക്കും.വിവിധ നിയമലംഘനങ്ങൾക്കുള്ള പിഴയിൽ പത്തിരട്ടി വരെയാണ് വർദ്ധനവ് വരുത്തിയത്. ഹെൽമറ്റില്ലാതെ വാഹനമോടിച്ച് പൊലീസ് പിടിച്ചാൽ നൂറു രൂപയ്ക്ക് പകരം ആയിരം രൂപയാണ് പിഴയടക്കേണ്ടി വരിക.
ഓരോ നിയമലംഘനത്തിനും പിഴത്തുക കുത്തനെ കൂടിയിട്ടുണ്ട്.പ്രായപൂർത്തിയാകാത്തവർ വാഹനം നിരത്തിലിറക്കിയിൽ മാതാപിതാക്കളും വെട്ടിലാകും. രക്ഷാകർത്താവ് 25,000 രൂപ പിഴയും മൂന്ന് വർഷം തടവ് ശിക്ഷയും അനുഭവിക്കേണ്ടി വരും. വാഹനമോടിയച്ചയാൾക്ക് ലൈസൻസ് ലഭിക്കാൻ 25 വയസ്സ് വരെ കാത്തുനിൽക്കണം.
സീറ്റ് ബെൽറ്റ് ധരിക്കാതെ വാഹനമോടിച്ചാലും 100 രൂപയ്ക്ക് പകരം 1000 രൂപ പിഴയടക്കണം.
അമിത വേഗത്തിന് നേരത്തെ 300 രൂപ പിഴയുണ്ടായിരുന്നത് ഇനി 1000 മുതൽ 2000 രൂപ വരെയാണ് പിഴ.
ലൈസൻസ് ഇല്ലാതെ വാഹനമോടിച്ചാൽ നേരത്തെ 500 രൂപ പിഴ അടച്ചാൽ മതിയായിരുന്നു.ഇനി 5000 രൂപ പിഴ അടക്കണം.
മദ്യപിച്ചു വാഹനമോടിച്ചാൽ 5000 രൂപയാണ് പിഴ.നേരത്തെ ഇത് രണ്ടായിരം രൂപയായിരുന്നു.
സിഗ്നൽ ലംഘനം,വാഹനമോടിക്കുന്നതിനിടെ മൊബൈൽ ഫോൺ ഉപയോഗിക്കൽ എന്നിവയുടെ പിഴയും 1000 ൽ നിന്ന് 5000 രൂപയാക്കി ഉയർത്തി.
