December 16, 2020
December 16, 2020
ദോഹ: ഈ വര്ഷത്തെ ഖത്തര് ദേശീയ ദിനാഘോഷങ്ങളുടെ ഭാഗമായി വാഹനങ്ങള്ക്കായുള്ള നിര്ദ്ദേശങ്ങള് ട്രാഫിക് വകുപ്പ് പുറത്തിറക്കി. കാറുകള് അലങ്കരിക്കുന്നതിലെ നിയന്ത്രണങ്ങള് ഉള്പ്പെടെയാണ് ട്രാഫിക് വകുപ്പ് പുറത്തിറക്കിയത്. ഡിസംബര് 21 വരെ ഈ നിര്ദ്ദേശങ്ങള് പ്രാബല്യത്തിലുണ്ടാകും.
വാഹനങ്ങള്ക്ക് വിന്ഡ് ഷീല്ഡില് നിറം ഉണ്ടാകരുത്. ദേശീയദിനത്തോട് അനുബന്ധിച്ച് വാഹനത്തിന്റെ നിറം മാറ്റാനും ആര്ക്കും അനുവാദമില്ല.
ഒരു വാഹനത്തില് ഡ്രൈവര് ഉള്പ്പെടെ നാല് പേരില് കൂടുതല് ഉണ്ടാവാന് പാടില്ല. എന്നാല് കുടുംബങ്ങള്ക്ക് ഇതില് ഇളവുണ്ട്.
വാഹനങ്ങള് അലങ്കരിക്കുമ്പോള് മുന്നിലെയും പിന്നിലെയും നമ്പര് പ്ലേറ്റുകള് മറയ്ക്കരുത്. എല്ലാ യാത്രക്കാരും നിര്ബന്ധമായും മാസ്ക് ധരിക്കണം. യാത്രക്കാര് വാഹനങ്ങളില് നിന്ന് പുറത്തിറങ്ങരുതെന്നും നിര്ദ്ദേശമുണ്ട്.
അതേസമയം കോര്ണിഷില് നടക്കുന്ന ദേശീയ ദിന പരേഡില് ക്ഷണിക്കപ്പെട്ടവര്ക്ക് മാത്രമേ പങ്കെടുക്കാന് കഴിയൂ എന്ന് സംഘാടകസമിതി നേരത്തേ അറിയിച്ചിരുന്നു.
ന്യൂസ്റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക: Click Here to Send Message
ന്യൂസ്റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.