August 27, 2019
August 27, 2019
ദുബായ് : വണ്ടിചെക്ക് കേസില് ബിഡിജെഎസ് നേതാവ് തുഷാര് വെള്ളാപ്പള്ളിയുടെ വാദം കോടതി തള്ളിയതോടെ നാട്ടിലേക്ക് പോകാൻ തുഷാർ മറ്റു മാർഗങ്ങൾ തേടുന്നതായി റിപ്പോർട്ട്. അഭിഭാഷകന് വക്കാലത്ത് നൽകി യുഎഇ സ്വദേശിയുടെ പാസ്പോര്ട്ട് കോടതിയില് സമര്പ്പിച്ചു തൽക്കാലം നാട്ടിലേക്ക് മടങ്ങാനാണ് തുഷാർ വെള്ളാപ്പള്ളി നീക്കം നടത്തുന്നതെന്നാണ് സൂചന. പിന്നീട് കോടതി കേസ് പരിഗണിക്കുന്ന ഘട്ടത്തിൽ വീണ്ടും ഹാജരായാൽ മതിയാവുമെന്ന കണക്കുകൂട്ടലിലാണ് ഇങ്ങനെയൊരു നീക്കം നടത്തുന്നത്.
ചെക്ക് മോഷണം പോയതാണെങ്കിൽ എന്തുകൊണ്ട് അപ്പോൾ തന്നെ പരാതി നൽകിയില്ലെന്ന് ഇന്നലെ പ്രോസിക്യൂഷൻ കോടതിയിൽ ചോദിച്ചിരുന്നു. കേസ് ഒത്തുതീര്പ്പാക്കാന് പ്രോസിക്യൂട്ടറുടെ മധ്യസ്ഥതയില് നടന്ന ശ്രമവും പരാജയപ്പെട്ടിരുന്നു.തുഷാര് വെള്ളാപ്പള്ളിയുമായി ബന്ധപ്പെട്ട ബിസിനസ് ഇടപാടിന്റെ കൂടുതല് രേഖകള് പരാതിക്കാരന് കോടതിയില് സമര്പ്പിച്ചിരുന്നു. രണ്ടുദിവസം കഴിഞ്ഞ് വീണ്ടും കേസ് പരിഗണിക്കുമെന്നറിയിച്ചാണ് പ്രോസിക്യൂഷന് കഴിഞ്ഞ ദിവസം വാദം അവസാനിപ്പിച്ചത്.