January 13, 2021
January 13, 2021
ദമ്മാം : ദമ്മാമിലെ പ്രമുഖ പ്രവാസി ഫുട്ബാള് കളിക്കാരനും സൗദിയിൽ നിന്നും തൃശൂര് കൊടകര പേരാമ്ബ്ര സ്വദേശിയുമായ ദിലീഷ് ദേവസ്യ (28) നാട്ടില് നിര്യാതനായി. അവധിക്ക് നാട്ടിലെത്തി രണ്ടാം ദിവസമാണ് ഹൃദയാഘാതം മൂലം മരണം സംഭവിച്ചത്.. നാലുമാസത്തെ അവധിക്കായി തിങ്കളാഴ്ച്ചയാണ് ദിലീഷ് നാട്ടിലേക്ക് പോയത്. വീട്ടില് ക്വാറന്റീനില് കഴിയവേ ചൊവ്വാഴ്ച്ച അര്ധ രാത്രിയോടെയാണ് ഹൃദയാഘാതമുണ്ടായതും ഉടന് മരണം സംഭവിച്ചതും. കോവിഡ് ടെസ്റ്റ് ഫലം നെഗറ്റീവായിരുന്നു.
ദമ്മാം അല്ഖോബാറിലെ തുഖ്ബയില് വര്ക്ക് ഷോപ്പ് ജീവനക്കാരനായിരുന്നു. പരേതനായ ചുക്രിയന് ദേവസ്യ-ലിസി ദമ്പതികളുടെ മകനായ ദിലീഷ് അഞ്ച് വര്ഷമായി അല്ഖോബാറില് പ്രവാസിയാണ്. ബെല്വിന് ഏക സഹോദരനാണ്. മാതൃസഹോദരി ഭര്ത്താവ് ബെന്നി തുഖ്ബയിലുണ്ട്. ദമ്മാമിലെ പ്രവാസി ഫുട്ബാള് ക്ലബായ ഇ.എം.എഫ് റാക്കയുടെ കളിക്കാരനായ ദിലീഷ് തെന്റ കളിയഴക് കൊണ്ടും ഹൃദ്യമായ പെരുമാറ്റം മൂലവും എല്ലാവര്ക്കും പ്രിയപ്പെട്ടവനായിരുന്നു.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ ബന്ധപ്പെടുക