January 21, 2020
January 21, 2020
ബാഗ്ദാദ് : ഇറാഖ് തലസ്ഥാനമായ ബാഗ്ദാദിലെ അമേരിക്കന് എംബസിക്ക് നേരെ ഇന്ന് വെളുപ്പിന് വീണ്ടും റോക്കറ്റ് ആക്രമണമുണ്ടായി.ഇന്ന് പുലര്ച്ചെയായിരുന്നു ആക്രമണം.അതിസുരക്ഷാ മേഖലയായ ഗ്രീന് സോണിലെ എംബസിക്ക് സമീപം മൂന്ന് റോക്കറ്റുകളാണ് പതിച്ചത്. അതേസമയം ആക്രമണത്തില് ആളപായമൊന്നും റിപ്പോര്ട്ട് ചെയ്തിട്ടില്ല. നാശനഷ്ടങ്ങളെ കുറിച്ചുള്ള വിവരങ്ങൾ ലഭ്യമായിട്ടില്ല. ആക്രമണത്തിന് പിന്നില് ഇറാനാണെന്ന് അമേരിക്ക ആരോപിച്ചു.
ബാഗ്ദാദിന് സമീപമുള്ള സഫറാനിയ ജില്ലയില് നിന്നാണ് റോക്കറ്റുകള് തൊടുത്തിട്ടുള്ളതെന്ന് കണ്ടെത്തിയിട്ടുണ്ട്. മൂന്ന് റോക്കറ്റുകളില് രണ്ടെണ്ണം അമേരിക്കന് എംബസിയുടെ തൊട്ടടുത്താണ് പതിച്ചത്.
ഒരാഴ്ചക്കയ്ക്ക് മുമ്പ് സമാനമായ രീതിയില് രണ്ട് റോക്കറ്റ് ആക്രമണങ്ങളാണ് അമേരിക്കന് എംബസിക്ക് നേരെ നടന്നത്. ജനുവരി നാലിനും ജനുവരി എട്ടിനുമായിരുന്നു ആക്രമണങ്ങള്.