November 12, 2019
November 12, 2019
റിയാദ് : സൗദി തലസ്ഥാനമായ റിയാദില്‍ നടക്കുന്ന സീസണ്‍ ഫെസ്റ്റിവലിനിടെ മൂന്ന് കലാകാരന്മാര്‍ക്ക് കുത്തേറ്റു. മലസിലെ കിങ് അബ്ദുള്ള പാര്‍‌ക്കില്‍ സംഗീത ശില്‍പം അവതരിപ്പിക്കുകയായിരുന്ന കലാകാരന്മാര്‍ക്ക് നേരെയാണ് സ്റ്റേജിലെത്തിയ 33-കാരനായ യമന്‍ പൌരന്‍ കത്തി വീശിയത്. ഒരു യുവതിക്കും മറ്റു മൂന്ന് പേര്‍ക്കുമാണ് പരിക്കേറ്റത്. ആക്രമണം നടത്തിയയാളെ പൊലീസ് അറസ്റ്റ് ചെയ്തതായി പ്രാദേശിക മാധ്യമങ്ങൾ റിപ്പോര്‍ട്ട് ചെയ്തു. പരിക്കേറ്റവരുടെ നില ഗുരുതരമല്ല. തിങ്കളാഴ്ച വൈകീട്ട് 8 മണിക്കാണ് സംഭവം നടന്നതെന്ന് റെഡ്ക്രസന്റ് വക്താവ് യാസര്‍ അല്‍ ജലാജില്‍ പറഞ്ഞു. ആക്രമണത്തിന്റെ കാരണം വ്യക്തമല്ല. യമനിലെ സൈനിക നടപടിയിൽ സൗദിയും പങ്കാളിയാണ്.
എണ്ണയിതര വരുമാനം ലക്ഷ്യമാക്കിയാണ് സൗദിയുടെ വിവിധ ഭാഗങ്ങളില്‍ കലാ സാംസ്കാരിക ഭക്ഷ്യമേളയായ സീസണ്‍ ഫെസ്റ്റിവല്‍ നടക്കുന്നത്. സംഭവത്തില്‍ പൊലീസ് വിശദീകരണം പ്രതീക്ഷിക്കുന്നതായും പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.
ഖത്തർ-ഗൾഫ് മേഖലയിൽ നിന്നുള്ള ഏറ്റവും പുതിയ വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സ്ആപ് നമ്പറിലേക്ക് സന്ദേശം അയക്കുക.
